Мехлани охины нүд томорсон шалтгааныг "Аксенфельд-Райгерын" эмгэгтэй холбосон байна. Энэ эмгэг нь нүдний хүүхэн харааны бүтцийг гэмтээдэг бөгөөд зарим хүмүүс ямар ч хүүхэн хараагүй төрсөн тохиолдол бий. Азаар Мехлани Диксон том хэдий ч  хэвийн хэлбэртэй хүүхэн хараатай төрсөн байна. 

Охины ээж Карина Дикерсон (Karina Dickerson) охиноо анх төрөх үед санаа нь ихэд зовж байсан гэдгээ нуусангүй.

"Миний охиныг хүмүүс хараал хүрсэн, харь гаригаас ирсэн байх хэмээн олон янзаар нэрлэдэг байлаа. Мэдээж хэрэг надад тэр үед хэцүү байсан. Харин одоо хүмүүс түүнийг өхөөрдөх болсон" гэж тэрээр хэлсэн юм. 

Аксенфельд-Райгерын эмтгэгтэй хүүхүүдийн тал хувь нь харааны ямар нэг гажигтай төрдөг бол Мехлани хэвийн хараатай төржээ. Харин охин хэт том хүүхэн хараатай учраас түүний нүд гэрэлд хэт эмзэг аж. Тийм учраас Мехлани гадаа гарахдаа нарны шилнээс салдаггүй юм. Гэхдээ Мехланигийн эцэг эх үүнийг охиныхоо хэвийн амьдралд саад болно гэж боддоггүй ажээ.