Киноны зохиолыг найруулагч Тодд Филиппс болон Скотт Силвер (Scott Silver) нар хамтран бичжээ. Киноны нийт өртөг 55 сая ам.доллар хавьцаа бөгөөд Жокерын тухай өгүүлэх энэ кино маш этгээд болоод өвөрмөц байх болно гэж мэдэгджээ.

Хоакин Феникс дүрдээ орохын тулд 30 гаруй кг жин хассан аж. Тэрбээр "Би үргэлж энэ дүрд тоглохыг хүсдэг байлаа. Тийм учраас би бүх чадлаараа хичээж ажиллах болно" гэж мэдэгдсэн байна. 

Киноны зураг авалт өнгөрсөн долоо хоногт Нью-Йорк хотод эхэлсэн бөгөөд Хоакин Феникс Жокерийн дүрд орсон байгаа бичлэг үүнтэй зэрэгцэн цахим орчинд тавигджээ. Шүтэн бишрэгч нар Хоакиний дүрдээ орсон байдалд сэтгэл хангалуун байгаа юм. 

"Deadpool 2" кинонны Доминогийн дүрээр олны танил болсон жүжигчин бүсгүй Зази Битц (Zazi Beetz) Жокерийн найз бүсгүйн дүрийг бүтээж байгаа юм. Тэрбээр "Би Хоакин Фениксийг олон жилийн турш шүтэн бишэрч ирсэн. Түүнтэй хамтарч ажиллаж байгаадаа үнэхээр баяртай байна" гэж хэлсэн байна.