1 Гадаа зугаалахгүй байхыг хичээ

Ялангуяа оройн цагаар их хэмжээний утаатай байдаг учир гадаа битгий зугаалаарай.

2 Ус уухыг илүүд үз

Ус уух нь хүний биен дэх ус-давсыг тэнцвэртэй байлгахад тустай. Харин спиртын агууламжтай болон хийжүүлсэн ундаа нь биеэс усыг гадагшлуулдаг юм.

3 Зөв хоолло

Таны биед бохир агаартай тэмцэхийн тулд хүч чадал, энерги хэрэгтэй.  Тиймээс будаа, загас, хүнсний ногоо болон жимсийг хүнсэндээ түлхүү хэрэглээрэй. Харин түргэн хоол, шарсан, өөх тостой махнаас татгалзах нь зүйтэй.

4 Тамхи бүү тат

Уушгиндаа илүү ачаалал өгөх хэрэггүй.  Хэрвээ та тамхинаасаа огт гарч чадахгүй байвал утааны үеэр өдөрт татах тамхиныхаа тоог ядаж багасгаарай. Энэ нь уушгины ачааллыг хөнгөлөх болно.

5 Гэртээ цэвэрлэгээ хий

Утаа ихтэй үед гэртээ байнга чийгтэй цэвэрлэгээ хийж байх хэрэгтэй. Цонх, цонхны тавцан болон бусад бүх зүйлийг сайн гэгч нь арч. Учир нь утааны тоос гэрийн бүхий л зүйл дээр тогтдог.

6 Хамраа угаа

Эмийн санд худалдаалагддаг хамар цэвэрлэх бодисоор өдөрт нэг удаа хамраа угаахад л хангалттай. Эсвэл гэрийн нөхцөлд давстай уусмалаар зайлж болно.

7 Агаарыг чийгшүүл

Тусгай агааржуулагчийн тусламжтайгаар та агаараа сайн чийгшүүлээрэй. Агаар чийглэг байх үед тоос гадаргуун дээр маш амархан тогтох бөгөөд тэр үед нь та шууд л арчаад авчихна.