Телевизийн шоуны од Ким Кардашиан өөрийн нөхөр Канье Уэст (Kanye West)-тэй романтик оройн зоог барихаар бямба гаригийн үдэш гадагш гарахдаа ийнхүү папарацийн дуранд өртжээ.

Ким сүүлийн үед бялдаржуулах төвөөс салахаа больсон бөгөөд эрчимтэй бэлтгэл сургуулилалт хийж буй гэнэ. Харин нөхөртэйгөө ийнхүү болзох үедээ тэр өөрийн шинэ дүр төрхөө харууллаа.

Ким нэлээд их жин хаясан бөгөөд үсээ богиносгон тайрчээ. Харин нөхөр Канье нь сүүлийн сар хатгаа тусаж, эмнэлэгт хэвтэн эмчлүүлсэн болоод ч тэр юм уу, ядрангуй харагдсан. 

Канье эмнэлэгт хэвтэн эмчлүүлж байхдаа сэтгэл санаа нь хямарч амиа хорлох бодол төрсөн гэдгээ фэнүүдээсээ нуугаагүй юм. Гэхдээ одоо муухай бодлоосоо ангижирсан гэдэгт түүний эргэн тойрны хүмүүс итгэлтэй байгаа аж. Учир нь аль хэдийнэ гурван хүүхдийн эцэг түүнд гэр бүлээс нь илүү чухал зүйл гэж үгүй. Ямар ч сэтгэлийн дарамтанд орсон байлаа ч үр хүүхдээ хаяад хорвоог орхихгүй гэдгээ Канье хэлсэн юм.

Магадгүй үүнийгээ батлан эхнэртэйгээ оройн болзоонд гарсан биз ээ.