1
Сансраас дэлхийг харвал...
Сансрын нисгэгчид сансраас дэлхийг харахад яг ингэж харагддаг гэнэ. Олон төрлийн гэрэл асаж буй нь мэдээж том хотууд юм. Шөнө маш их гэрэл гэгээ цацруулдаг учир гялбаа нь сансарт хүртэл гэрэлтдэг байна.
2
Нарны туяа
Биднийг илчээрээ дулаацуулахын тулд нарны туяа 149.6 сая км зам туулдаг аж. Хэрвээ хүн энэ замыг туулсан бол 2200 жил зарцуулах байсан. Харин нарны туяа ердөө найман минут зарцуулдаг.
3
Хүний нүд
Эртний грекчүүд хүний нүднээс халаасны гэрэл мэт гэрэл ялгардаг гэж ярьдаг байжээ.
4
Далайн яст мэлхий
Далайн яст мэлхий нь хуурай газар дээр өндгөө гаргадаг байна. Ингээд төрснийхөө дараа тэд шөнийн цагаар сарны гэрэлд далайн гүн рүү явдаг аж.
5
Сарьсан багваахай
Сарьсан багваахай нь хараа муутай, бас маш жижигхэн нүдтэй. Гэхдээ тэд хүний чихэнд сонсогддоггүй хэт авиан чимээг мэдэрдэг байна. Энэ нь төрөл бүрийн асуудлыг шийдвэрлэхэд тусалдаг.
6
Гүн усны загас
Далайн гүнд харанхуйд хоёр төрлийн гэрэлтэй загас амьдардаг байна. Энэ нь луу-загас болон дэгээ-загас юм. Луу-загасны эм нь 40 см-ийн урттай бөгөөд аман дотроо дүүрэн тунгалаг шүдтэй, эрүүнийх нь үзүүрт гэрэл асаж байдаг. Харин жижиг эрэгчин загасанд нь шүд ч байхгүй, гэрэл ч байхгүй. Дэгээ-загасны толгойны үзүүрт гэрэлтдэг бөмбөлөг бий. Энэхүү гэрлийнхээ тусламжтайгаар тэрээр хоолоо олж идэн, дайснаа үргээдэг байна.
7
Ургамал
Ургамал ихэнхдээ шөнийн цагаар ургадаг. Учир нь тэд өдрийн цагаар фотосинтез ялгаруулаад ихээхэн завгүй байдаг.
8
Хүрэлзгэнэ
Шөнийн цагаар хүрэлзгэний эр нь далавчаа үрж, чимээ гаргадаг. Энэхүү чимээгээрээ тэд эмэгчнийгээ өөртөө уруу татдаг байна.
9
Шөнийн яргуй
Зарим өвөрмөц цэцгүүд зөвхөн шөнийн цагаар ургадаг аж. Жишээ нь шөнийн яргуй хоёр метрийн өндөрт хүрдэг. Цэцэг нь орой 18.00 цагийн орчим ургаж эхэлдэг бөгөөд өглөө нь унадаг гэнэ.
10
Модны мөөг
Панилус астрингент (Panellus astringent) бол модны мөөгний нэг юм. Бүх төрлийн модон дээр ургадаг бөгөөд өдрийн цагаар тэднийг олж харах нь юу л бол. Харин шөнийн цагаар ногоон өнгөөр гэрэлтэн асдаг байна.
11
Харанхуй шөнийг гэрэлтүүлэгч Томас Эдисон
Хамгийн анхны цахилгаан чийдэнг 1879 онд Томас Эдисон бүтээжээ. Энэ нь 40 цаг орчим ажилласан байна. Чийдэн доторх утас хайлдаггүй гэнэ. Учир нь шилэн дотор агаар байхгүйтэй холбоотой ажээ.
