Тамхи татдаг хүний уушги уян  хатан чанараа алдсан байдаг бөгөөд уушги нь хэдийгээр амархан сунадаг ч, агшихдаа ч мөн хурдан юм. Ийнхүү уян хатан чанаргүй болсноос хүн хангалттай хэмжээний агаараар амьсгалахын тулд уушги илүү их ажиллах хэрэгтэй болдог.

1

Хойд Каролинагийн сувилагч бүсгүй Аманда Эллер (Amanda Eller) өөрийн оруулсан бичлэг, зургийнхаа доор “Зүүн талынх нь 20 жилийн турш өдөрт нэг хайрцаг тамхи татаж байсан хүний уушги, харин баруун талынх нь эрүүл хүний уушги. Та үүнийг харсан ч гэсэн тамхи татахыг хүссэн хэвээрээ байна уу” гэж бичжээ.

2

Мөн тамхи татдаг хүний уушги хэрхэн ажилладаг болохыг тэр бичлэгээр харуулжээ.

Өвчний хяналт, урьдчилан сэргийлэх төвийн судалгаанаас харахад АНУ-д тамхи татдаг хүн татдаггүй хүнээсээ хоёр дахин их байдаг гэнэ. Жил бүр АНУ-д 480 мянган хүн тамхинаас үүдэлтэйгээр нас бардаг бөгөөд таван хүн тутмын нэг нь энэхүү утаат хорноос болж хорвоог орхидог байна.

Гэхдээ тамхи татахаа болиход хэзээ ч оройтохгүй. Хэрвээ та 40 хүрэхээсээ өмнө тамхинаас гарвал тамхинаас үүдэлтэй өвчнөөс 90 хувиар өөрийгөө урьдчилан сэргийлж чадна хэмээн тэрээр ярьжээ.

Видео