1
Хөлсний үнэр ялгарна
Энэ нь ямар муухай зүйл гэдгийг бүгд мэддэг байх. Биеэсээ хөлс үнэртүүлсэн эмэгтэй гэхээр ямар сонсогдож байна даа...
2
Арьсан дээр тууралт үүснэ
Хөхний даруулгаа угаахгүй удаан явбал хөх загатнаж эхэлдэг ба маажсанаар бактери нь бүх биеэр тарж бие бүхэлдээ загатнаж эхэлдэг байна. Мөн хэт халуун, эсвэл орчны бохирдол ихтэй, тоос шороотой газраар явсан бол даруулгаа дахин өмсөхийнхөө өмнө заавал угаах нь зүйтэй.
3
Батга гарах
Бохир хөхний даруулга зүүх нь хувцсанд хамаг нян, бактери дамжуулдаг ба энэ нь цааш бүх биеэр тарж арьсан дээр тууралт гарах, нүүрээр батга гарах зэрэг шинж тэмдгүүдийг үүсгэдэг аюултай. Тиймээс хожим харамсахгүйн тулд хөхний даруулгаа тогтмол угааж хэвшээрэй!
4
Хөхний толгой хөндүүрлэж, улаан жижиг зүйлс гарна
Эмэгтэй хүний хөхний толгой бол маш эмзэг хэсэг юм. Байнгын цэвэрхэн байх арчилгаа шаарддаг. Та өдөр болгон усанд ордог байсан ч хамаагүй хөхний даруулгаа л тогтмол угаахгүй бол түүнд тогтсон нян, бактери хөхний толгойг цочроодог ба улмаар жижиг улаан зүйлс туурдаг байна.
5
Суга загатнаж түлэгдэнэ
Бохирдсон хөхний даруулгаа зүүсээр байвал суга гэх мэт эмзэг хэсгүүдэд мөн нөлөөлж эхэлдэг ба арьсыг цочроож загатнуулдаг. Улмаар түлэгдэх ч эрсдэл үүсдэг байна. Ер нь хөхний даруулгыг тогтмол угаах хэрэгтэй байдаг. Яг хэд хоногийн дараа ч юм уу эсвэл тэд хэрэглээд гэсэн тоо байхгүй ч, арьсны эмч нар 3-4 удаа хэрэглэсний дараа угаах нь тохиромжтой гэж үздэг. Хэрэв та спортын хүн, магадгүй хөлс их гардаг, спорт хөхний даруулга зүүдэг бол 1 хэрэглээд л угаах хэрэгтэй шүү.
6
Хөхний даруулгаа хэрхэн угаах вэ?
Хамгийн зөв арга бол гараараа угаах байдаг. Энэ нь хэлбэрийг нь алдагдуулахгүй, эдэлгээг уртасгах зэрэг давуу талтай. Угаахдаа савантай ус, угаалгын нунтаг хийж хэдэн минут дэвтээсний дараа, гараараа зөөлөн үрж угаана. Мөн угааж дууссаны дараа саван, угаалгын бодисыг нь арилтал хэд хэдэн удаа цэвэр усаар зайлах хэрэгтэй. Хэрэв зайлшгүй угаалгын машинд хийж угаах бол зориулалтын тусгай торон уут хэрэглээрэй. Ингэхдээ гогцоог тайлалгүйг ба угаалгын машиныхаа зөөлөн эргүүлэх горимоор угаана. Мөн хатаахдаа угаалгын машины хатаагчийг ашиглах нь хэлбэрийг нь алдагдуулдаг тул татгалзах нь зүйтэй юм шүү!
