1
Татах
Татах нь бие эрүүл бус байгааг харуулдаг. Доктор Шварцын (Dr. Schwartz) хэлснээр: Неоплазмаас үүссэн цочрол нь мэдрэлийн хэвийн үйл ажиллагааг алдагдуулж бие бүтэн болон хэсэгчилсэн байдлаар татдаг. Тархины хавдрын шинж тэмдэг татах байдлаар илэрч болдог байна.
2
Эв дүй муудаж, болхи болох
Хэрвээ таны аливаа юманд үзүүлэх хариу үйлдэл багассан, мөн танд энэ нь мэдрэгдэж байвал үүнийг зүгээр өнгөрөөж огтхон ч болохгүй. Мөн тархины эмгэг үүсч байгаа бол таны тэнцвэр муудаж, ярианы чадвар алдагдаж, залгих чадвараа алдаж эхэлдэг.
3
Мэдээ алдах
Биеийн аль нэг хэсэг мэдээ алдах шинж тэмдэг илэрвэл энэ нь нугасны ойролцоо хавдар үүссэн байж болзошгүйг анхааруулж байгаа дохио юм.
4
Ой санамж муудах
Тархины хавдар нь хүний ой санамжинд нөлөөлдөг. Саяхан л хийх гэж байсан үйлдлээ мартах, хүмүүсийг танихаа болих, юу хийснээ санахгүй байх зэрэг шинж тэмдгээр илэрдэг.
5
Дотор муухайрах
Дотор муухайрах, ходоод гэдсэнд эвгүй мэдрэмж төрөх зэрэг нь хавдрын бас нэгэн шинж тэмдэг болдог. Тиймээс танд ийм мэдрэмж төрөөд удаж байвал яаралтай эмнэлэг явахыг зөвлөе.
6
Хараа муудах, гэмтэх
Юмс үзэгдэхээ больж бүрзийх, давхардаж харагдах, хараа муудах зэрэг нь мөн л тоохгүй өнгөрч болохгүй шинж тэмдэг юм. Мөн нүдэнд жижиг цэгүүд харагдах, элдэв дүрсүүд харагдах зэргээр илэрдэг байна.
7
Толгой өвдөх
Толгой өвдөх нь тархины хавдар үүсч болзошгүйг анхааруулах хамгийн түгээмэл шинж тэмдэг юм. Толгой өвдөх нь удаан үргэлжилбэл өвдөлт нь улам хүндэрдэг тул яаралтай эмнэлэг зориорой!
8
Чих дүнгэнэх
Тархины хавдар үүсч эхэлж буйг илтгэх бас нэг шинж тэмдэг нь чих дүнгэнэх юм. Чих нь байнга дүнгэнээд байна гэсэн хүмүүс олон байдаг. Энэ нь тоохгүй өнгөрөөж болохгүй зүйл бөгөөд эртхэн эмчид үзүүлж онош тавиулснаар та өөрийнхөө амь насыг ч аврах боломжтой юм.
