1 2 минутын дотор хийж болох ажлыг яг одоо хий!

Хэр олон зүйлийг 2-хон минутын дотор хийж болохыг тооцоолоод үзээрэй. Аяга угаах, ор хураах, хогоо гаргаж хаях гээд маш олон зүйл энэ бага хугацаанд хийгдэж болох ч, бид үргэлж хойш тавьдаг. Үүнээс болоод бусад чухал ажлуудтай давхцаж, биднийг стрессдүүлэдэг. Жишээлбэл, орой ядраад ирэхэд хураалттай, бохир аяганууд угтвал танд ямар санагдах вэ? Харин өглөө ажилдаа явахдаа аягаа угаачихаад явбал ядаж л орой гэртээ ирээд хүссэнээрээ амарч болно шүү дээ. Иймд хийхэд амархан ажлыг тухай бүрт нь хийж хэвших нь залхуурлаа давж байгаа хамгийн анхны алхам юм. 

2 2 минутын зуршил бий болго!

Залхуурахыг бий болгодог хамгийн том шалтгаан нь буруу зуршил юм. Буруу зуршлаа засахаас илүүтэй шинэ зуршил бий болгох нь чухал бөгөөд ингэхийн тулд ердөө л 2 минут хангалттай. Та сайн бичиж сурахыг хүсдэг ч, яг суугаад бичихээр залхуу тань хүрдэл бол өдөр бүр 2 өгүүлбэр бичээрэй. Хэсэг хугацаа өнгөрөхөд л бичих гэдэг нь тийм ч залхуу хүргэсэн ажил бус таны өдөр тутмын зуршил болдог. Дасгал хийж, эрүүл биетэй болохыг хүсдэг ч залхуурлаас болоод чаддаггүй хүн байвал өдөр бүр 2 минутыг л дасгал хийхэд зарцуулах хэрэгтэй. Энэ мэтээр бага, багаар аливаа сайн зуршлыг өөртөө бий болгох нь залхуурлыг үгүй хийх хамгийн том зэвсэг гэнэ шүү.

Залхуурлаа даван туулдаг аргуудаа сэтгэгдэл хэсэгт бичиж бидэнтэй хуваалцаарай!