1
Хоол болон ундаа
Зарим хоол хүнс, ундаа нь шүдний пааланг гэмтээдэг. Эдгээрээс хамгийн түгээмэл нь:
- Хар цай болон кофе
- Хийжүүлсэн ундаа
- Улаан болон цагаан дарс
- Чихэр
- Улаан лоолийн соус, Соё соус, Карри гэх мэт...
- Тод өнгийн ундаа, жүүс
- Хад, нэрс, анар, алим, гэх мэт жимснүүд...
2
Тамхи татах
Тамхи татдаг хүний шүд арчилгаа, угаалт муу бол маш хурдан шарлаж, паалан нь гэмтдэг.
3
Амны ариун цэвэр сахихгүй байх
Шүд эрүүл байх нь өдөр тутмын тогтмол угаалт болон зөв шүдний оо сонгосон эсэхээс хамгийн их хамаарах тул, та шүдний эмчээс зөвлөгөө аваарай!
4
Зарим эм, антибиотик
Зарим эмний найрлаганд шүдний пааланг гэмтээж, байгалийн өнгийг алдагдуулах хүчтэй найрлагууд багтсан байдаг. Үүнд:
- цацраг туяан эмчилгээ;
- хими эмчилгээ;
- зарим төрлийн антибиотик (8 хүртэлх насны хүүхдэд хэрэглэдэг)
- зарим антигистаминууд;
- сэтгэцэд нөлөөлөх эм
- цусны даралтын эм
5
Нас
Нас ахих тусам, кальцийн дутагдлаас болж шүдний паалан илүү нимгэрч, эмзэг болдог. Ингэснээр шүд шарлаж, бат бөх байдлаа алдаж эхэлнэ.
6
Ген
Зарим хүн хичнээн шүдээ угааж арчилсан, төрөлхийн шар шүдтэй байх нь бий. Энэ нь нялх балчирт мэдэгдэхгүй ч, өсөж томроход мэдэгдэнэ. Иймд шүд цайруулах аппаратанд орох нь зүйтэй.
7
Флорид
Хэт их флортой оог өдөр бүрт тогтмол хэрэглэх нь эсрэгээрээ шүдийг шарлуулж, өнгийг нь алдагдуулдаг байна. Иймд аль болох натурал оо хэрэглэж байгаарай!
8
Шүлсний ялгаруулалт бага байх
Шүлс нь шүдний пааланг давхар хамгаалах үүрэгтэй байдаг. Харин шүлсний ялгаруулалт бага бол шүд шарлаж болно.
