Дэлхийн хамгийн үнэтэй эмэгтэй

Америкийн транссексуал болох Аманда Лепор (Amanda Lepore) одоо 46 настай бөгөөд 17 настай байхдаа хүйсээ солиулсан байна. Ийнхүү хүйсээ солиулсны дараа түүнд маш олон тооны гоо сайхны хагалгаанд орох шаардлага гаржээ. Лепор анх Арманд нэртэй хүү байсан бөгөөд 11 насандаа хүйс сольж болдог болохыг зурагтын нэвтрүүлгээр харснаасаа хойш хүйсээ солиулахыг мөрөөдөх болсон байна.

Тэрээр бусад эрэгтэй хүүхдүүд шиг хувуцаслахыг хүсэхгүй байсан бөгөөд сургуульдаа эмэгтэй хүүхдийн хувцас өмсөж очсон байна. Сургуулийн удирдлага түүнийг эмэгтэй хувцасласан байдалтай ирэхийг хориглосон учир тэрээр гэрээрээ хичээл үзэх болжээ.

2001 он

"Хагалгаанд орохоос өмнө хүмүүс намайг эмэгтэй гэж хардаг байсан. Би ангидаа хамгийн жижигхэн биетэй нь байсан юм. Үүнээс гадна 13 насандаа би үсээ ургуулж, сормуус суулгаад будаж эхэлсэн. Сургуульд байхад хүүхдүүд намайг шоглож байсан нь надад илүү их урмыг өгсөн юм" - гэжээ.

Хүү 15 насандаа нутгийнхаа клубт бүжгийн хувцас хийх болсон. Тэрээр янз бүрийн дааврын эм хэрэглэх болсон бөгөөд түүний биеийн галбир өөрчлөгдөж эхэлсэн юм. Ингээд эцэг эх нь түүнийг сэтгэл судлаачид үзүүлэхэд транссексуал гэх оношийг тавьсан байна.

Сэтгэл судлаач эмч эдгээр дааврын эмүүдийг албан ёсоор авахад тусалж эхэлсэн байна. 15 настайгаасаа Лепор гоо сайхны мэс засалчтай болзох болжээ. Ийнхүү тэрээр анхныхаа хагалгааг буюу хамарны хагалгаа хийлгэсэн байна. 17 настайдаа хүйсээ солиулж эмэгтэй дүрдээ оржээ. Аманда гурван удаа хөхөө томруулж, өгзгөндөө силикон шахуулж, хоёр удаа нүднийхээ хэлбэрийг өөрчилж, уруулныхаа хэлбэрийг өөрчлөн доод хавиргаа авахуулсан байна. АНУ–д хавирга авахуулах мэс засал нь хууль бус учир тэрээр Мексикт энэ хагалгааг хийлгэжээ. Тэрээр өөрийгөө дэлхийн хамгийн үнэтэй гэдгийг бардам хүлээн зөвшөөрдөг байна. Учир нь түүний бүх мэс ажилбарын зардал маш өндөр гарна гэнэ.