1 Лорд (Lorde)

Дуучин Лорд нь олон гайхалтай бүтээлээр бидний зүрх сэтгэлийг эзэмдэж, хүчтэй хоолойгоороо гайхагддаг. Харин түүнийг харь гарагийн амьтан хэмээн ярих хүмүүс бишгүй. Учир нь тэрээр цахим сүлжээнд байрлуулсан зураг бүртээ шахуу "би бол харь гарагаас ирсэн" хэмээдэг бөгөөд түүний царайг сайтар ажиглан харахад, энэ бүхнийг эрс тэс үгүйсгэх боломжгүй мэт санагдана. Мөн энэ бүхнээс улбаалан ургаалан бодоход түүний нэр ч мөн Лорд буюу хаан, эзэн гэх утгатай төдийгүй дуучин бүсгүй удахгүй харь гараг руугаа буцаж, тэндээ эзэн хаан болж мэднэ гэж үзэх хүмүүс олон байдаг. 

2 Бенедикт Камбербэтч (Benedict Cumberbatch)

Сэтгэл татам, Английн нэрт жүжигчин эр нь Холливуудад хамгийн нууцлаг гэдгээрээ алдартай. Түүний байгаа байдал, гадаад төрх бусдаас нэг л өөр төдийгүй түүнийг харь гарагаас ирсэн байх гэж хүмүүс ярилцдаг. Тэр бүү хэл алдартай одод ч түүний зургийг харь гарагийн амьтадтай харьцуулан байршуулж, цахим сүлжээгээр тарааж, "Тэр харь гарагаас ирсэн байх. Түүний хажууд байхад өвөрмөц, сонин мэдрэмж төрдөг" хэмээж байсан удаатай. 

3 Жастин Бьебер (Justin Bieber)

Охидын сонсох дуртай дуучин, хүсэмжит залуу болсон Жастин Бьебер нь энэ дэлхийн хүн биш яриа маш их газар авсан. Ялангуяа түүний нүдний өнгөө сольж байгаа бичлэгээс болж, маш олон хүн түүнийг энгийн нэгэн гэж үзэхээ больсон билээ. Мөн түүний гаргаж байгаа байдал, хийж байгаа үйлдлүүд нь эгэл жирийн нэгэн биш гэдгийг баталж байгаа мэт...

4 Жеймс Франко (James Franco)

Америкийн алдарт жүжигчин Жеймс Франкыг хүмүүс харь гарагийн амьтан гэж хочилдог. Учир нь тэрээр хэний ч хийж чадахгүй зүйлсийг, ганцаараа хийдэг гайхалтай болоод хачирхалтай нэгэн юм. Жишээ татвал тэрээр ганцхан жилийн дотор 7 кинонд тоглосон: "Please Don’t Come Back from the Moon", "Alien: Covenant", "The Disaster Artist", "The Institute", "Zeroville", "The Deuce". Мөн эдгээр киноны 3-г өөрөө найруулсан гээд боддоо. Үнэхээр итгэхэд бэрх байгаа биз. Магадгүй энэ их ажлыг зөвхөн харь гарагаас ирсэн нэгэн л амжуулж чадах байх. 

5 Рианна (Rihanna)

Дэлхий дахинаа нэр алдраа цуурайтуулсан үзэсгэлэнт дуучин бүсгүй нь сүүлд "Valerian and the City of a Thousand Planets" кинонд, харь гарагийн амьтны дүрийг бүтээж, үзэгч олноос магтаал сайшаал хүртсэн билээ. Харин тэрээр яг л жинхэнэ харь гарагийн амьтан мэт харагдаж байсан нь олон хүнд дуучин бүсгүйг жинхэнэ хүн эсэхэд эргэлзэхэд хүргэжээ. Мөн Рианна нь шинжлэх ухаан, уран зөгнөлт, харь гарагийн тухай кино үзэх дуртай болохоо өмнө нь мэдэгдэж байсан төдийгүй түүний хийдэг хачирхалтай болоод ойлгомжгүй үйлдлүүдийг нь дэлхийн хүн биш гэдэгтэй холбон тайлбарладаг. 

6 Киану Ривз (Keanu Reeves)

"The Matrix" киноны гол дүрийг бүтээсэн гэдгээрээ алдаршсан нэрт жүжигчин Киану Ривз нь 1530 онд амьдарч байсан Франкийн хаан Карлимагне (Charlemagne)-ийн хөрөг зурагтай маш адилхан харагддаг. Үүнээс гадна 1922 онд нас барсан жүжигчин Пол Моунет (Paul Mounet)-ийн цогцос нь олдоогүй төдийгүй тэрээр Киану Ривзтэй усны дусал мэт адилхан байжээ. Иймд хүмүүс жүжигчин эрийг мөнх настай, хэдэн зууны өмнөөс олон дүрд хувирч, өнөөг хүртэл амьдарсаар ирсэн харь гарагийн амьтан гэж үздэг бөгөөд тиймдээ ч хөрөнгө мөнгөнд дурлалгүй, хүмүүст буян үйлдэж явдаг байх хэмээн итгэдэг байна. 

7 Заян Малик (Zayn Malik)

Сүүлийн үед хамгийн ихээр нэрд гарч байгаа дуучдын нэг бол яахын аргагүй Заян Малик юм. Эрчүүдийн хүслэн болсон халуухан, загвар өмсөгч бүсгүйтэй үерхэж, соло уран бүтээлээ туурвиж байгаа тэрээр хүмүүсийн анхаарлыг төвд өртөх болсон. Харин дуучин залуу нэгэн ярилцлагын үеэр "Миний зүүдэнд харь гарагийн амьтан ирж, One Direction хамтлагаас гар, энэ чиний амжилтын эхлэл байх болно гэж хэлж байсан. Миний зүүдэнд харь гарагийн амьтад ирж ярилцдаг. Заримдаа би өөрийгөө энэ ертөнцийн хүн биш байх гэж боддог" хэмээн ярьсан нь олны гайхшралыг төрүүлж, тэр үнэхээр хүн биш юм болов уу? гэх яриаг үүсгэсэн юм. 

8 Эзра Миллер (Ezra Miller)

"The Perks of Being a Wallflower", "We Need to Talk About Kevin", "Fantastic Beasts and Where to Find Them" зэрэг кинонуудад дүр бүтээсэн жүжигчин Эзра Миллерыг харь гарагаас ирсэн хэмээдэг. Учир нь түүний хөлийг хүний хөл гэж хэлэхэд бэрх. Хөлнөөс гадна түүний байгаа байдал тун ч хачирхалтай бөгөөд үргэлж бусдаас өөр, өвөрмөц байдаг. Тэрээр хүн бүхний гайхшралыг төрүүлэхүйц хөлтэй боловч, үүнийгээ огтхон ч нуудаггүй. Харин ч аль болох ил гаргаж, тавчик өмсөх дуртай аж. Энэ бүхнээс нь харахад түүнийг энгийн нэгэн гэж хэлэхэд бэрх билээ. 

9 Тильда Суинтон (Tilda Swinton)

Бусдаас өвөрмөц, содон өнгө төрхтэй жүжигчин бол яахын аргагүй Тильда Суинтон билээ. Түүний гадаад төрх, байгаа байдал, хийж байгаа үйлдэл зэрэг нь энэ дэлхийн хүн биш гэдгийг үргэлж баталдаг. Мөн тэрээр гэнэт нойр нь хүрвэл хаана ч байсан хамаагүй хэвтэж, унтдаг. Нэгэн удаа музей үзэж байгаад нойр нь хүрсэн тул шууд л шалан дээр хэвтэж унтсан тухай хэвлэл мэдээллийн хэрэгслээр шуугьж байсан цаг саяхан мэт санагдана. 

10 Элон Муск (Elon Musk )

Алдартай болоод амжилттай яваа бизнес эрхлэгчдийн нэгд зүй ёсоор тооцогдох Элон Муск нь сүүлийн жилүүдэд сансрын хөлөг бүтээх гээд тун ч завгүй яваа юм. Тэрээр "дэлхий бол сансар огторгуйн жижигхэн нэг хэсэг, үүний цаана олон гайхалтай зүйлс байгаа. Бид үүнийг олж илрүүлж, хүмүүст таниулах хэрэгтэй" хэмээсэн төдийгүй Ангараг гараг руу ачааны хөлөг онгоц явуулахаар төлөвлөж байгаа билээ. Энэ бүхнээс нь дүгнэлт хийсэн хүмүүс, "магадгүй тэр хүн биш байх, харь гарагаас илгээгдсэн амьтан, тиймдээ ч буцаад харь гараг руугаа явах гэж хөлөг онгоц бүтээж байгаа" хэмээн ам уралдан ярьж байгаа юм. 

11 Марк Цукерберг (Mark Zuckerberg)

Өнөөгийн нийгмийн өнгийг тодорхойлж байгаа эрхэм бол маргаангүй "Фейсбүүк"-ийг үүсгэн байгуулагч, Марк Цукерберг юм. Харин түүнийг харь гарагаас ирсэн гэж үзэхэд хэд хэдэн шалтгаан бий. Нэгдүгээрт түүний амжилттай яваа, дэлхий нийтийг өөрийн атгандаа багтааж чадсан зэрэг нь олны гайхшралыг төрүүлж, яаж ийм богино хугацаанд дэлхийг тэр чигт нь өөрчилж чадав гэх асуулт юм. Харин дараа нь түүний царай төрх болоод амьдралын хэвшил аж. Тэрээр уул овоо мэт их хөрөнгөтэй боловч, бусадтай адил мөнгөнд анхаарлаа хандлуулж, өөрийгөө гоёж, тансаглахыг хүсдэггүй. Гуравдугаарт тэрээр Стивен Хокингтой хамтарч, 100 сая долларын төсөвтэй, дэлхийгээс бусад гарагууд дээр амьдрах боломжтой эсэхийг судлах төсөл дээр ажиллаж байгаа юм. Хүмүүс түүний энэхүү ажлыг "Тэр гэр рүүгээ буцах гэж байна" хэмээн ойлгож, тайлбарладаг.