Дэлхийн улс орнуудад оршуулгын төрөл бүрийн зан үйл байдаг. Ихэнх газар уйлж гашуудаж байхад зарим газар шарил дээр бүжиглэх тохиолдол ч бий. Тухайлбал, Гана улсад оршуулгыг нийгмийн хувьд ач холбогдолтой зүйл гэж үздэг. Тэд хайртай хүмүүсээ эцсийн замд нь баяр баясгалантайгаар үдэх ёстой гэдэгт итгэдэг. Тиймээс тэд шарилтай хамт бүжиглэдэг байна. Коронавирустэй холбоотойгоор тренд болоод байсан оршуулгын бүжигчидтэй мийм нь Гана улсын энэхүү уламжлалаас үүдэлтэй аж. 

Оршуулгын ёслол дээр ижил костюм, гутал, бээлийгээр жигдэрсэн хүмүүс авсыг дамнаад бүжиглэж явдаг байна. Тэд бүжгийн хөдөлгөөнөөрөө уй гашууд автсан олонд инээд бэлэглэж, тэдний нүүрэнд инээмсэглэл тодруулах үүрэгтэй. 

2017 онд "BBC Africa"-ын сурвалжлагч Сулли Лансах Гана улсад очиж, ийм оршуулгын ёслолыг нүдээр харж, бичлэг хийж цацжээ.  

Ингээл сүүлийн үед аюултай, эрсдэлтэй, хөгтэй,бүтэлгүй үйлдлүүдийг энэхүү салах ёс гүйцэтгэж буй бүжиг бүхий "мийм"-ээр шоглох болсон байна.