1
Илүүдэл үсийг хэрхэн гүйцэд сайн авах вэ?
Илүүдэл үс эмэгтэйчүүдийн байнгын асуудал болдог. Тэгвэл ургалтыг нь удаашруулж, гүйцэд авч, дотогш ургалтаас сэргийлэхийн тулд юун түрүүнд хөлөө усанд сайтар норгож дэвтээгээд, гуужуулагчаар гуужуулах хэрэгтэй. Ингэвэл арьс зөөлөрч, уян хатан болно. Энэ үед нь иртэй татуургаар авбал хамгийн сайн үр дүнтэй. Харин үүнийхээ дараа чийгшүүлэх тос түрхэхээ мартаж болохгүй.
2
Уруулын арьсыг ч бас гуужуулах хэрэгтэй
Нүүр биеийн арьсныхаа үхэжсэн хэсгийг гуужуулж, шинэ арьс нөхөн төлжүүлснээр арьс илүү толигор, сайхан болдгийг хүн бүр мэддэг. Үүнтэй адил уруулын арьсанд ч мөн онцгой арчилгаа хэрэгтэй. Булбарай чийглэг уруултай болъё гэвэл зөгийн бал, элсэн чихрийн холимгийг урууландаа түрхэж, шүдний сойзоор гуужуулаарай.
3
Кокосын тосоор нүүрний будгийг арилгаж болно
Таны өдөр тутамдаа хэрэглэдэг нүүр цэвэрлэгч арьсанд тань тохирохгүй эсвэл байнга усаар угааснаас болж хуурайшиж байна уу? Тэгвэл 7 хоногт 2 удаа кокосын тосоор нүүрээ цэвэрлээд үзээрэй. Ингэхдээ кокосын тосоо бага зэрэг халааж шингэн болгоод нүүрэндээ түрхэж массажлахад болно. Үүнийхээ дараа халуун алчуураар бигнүүрдэж цэвэрлэх хэрэгтэй.
4
Үнэртэй усныхаа үнэрийг нь хэрхэн удаан барих вэ?
Үнэртэй усаа, вазелинтай хольж арьсандаа түрхвэл өдрийн турш үнэр нь таниас салахгүй. Үүнийгээ нимгэн арьстай буюу судасны цохилт мэдрэгддэг хүзүү, гарын шууны дотор хэсгүүдэд түрхвэл үнэрээ илүү удаан хадгалах болно.
5
Хөхөвч зүүхийг хүсэхгүй байвал
Зарим өдрүүдэд хөхөвч зүүхээс ч дургүй хүрдэг. Гэвч хөхний товчоороо бусдын анхаарлыг хэт татахыг хүсэхгүй байвал энгийн шархны лент нааж болно шүү.
6
Үсний хавчаар тань байн байн унаад байна уу?
Жижиг үснүүдээ тогтоохын тулд хэрэглэсэн хавчаар тань үснээс мултарч унаад байвал, үсний лак ашиглаарай. Хавчаарныхаа 2 талд нь лак шүршиж, сайтар хатсаных нь дараа зүүгээрэй. Ингэснээр таныг өөрөө автал хавчаар үснээс тань унахгүй.
