1
Илүү их иднэ
Энэ нь хүмүүст хошигнол мэт санагдаж болох ч, бодит байдал дээр батлагдсан аж. Хүн сууж байх үед ходоод гэдсийг дороос нь бага багаар шахаж, улмаар эзлэхүүнийг багасгадаг байна. Харин зогсоогоор хооллох үед эсрэгээрээ ходоодонд илүү их хоол орж, таргалах нөхцлийг бүрдүүлдэг. Хэрэв та жингээ барихыг хүсдэг нэгэн бол, ширээндээ тухлан сууж, хоолоо бага багаар, удаан идэж байгаарай.
2
Хоолоо хурдан иднэ
Хүн зогсоогоороо ямар нэгэн зүйлийг идэхдээ өөрийн мэдэлгүй маш хурдан иддэг буюу зажилахгүй залгидаг байна. Ингэснээр маш их хоол богино хугацаанд биед хуримтлагдах бөгөөд хоол боловсруулах системийг алдагдуулан, биед таагүй мэдрэмжийг төрүүлэх болно. Үүнээс гадна хурдан идсэн хоол нь тархинд хооллосон гэх мэдээллийг хүргэхгүй тул, та удалгүй ахин өлсөх мэдрэмж төрж эхэлнэ.
Энэ бүхнээс сэргийлэх цор ганц арга бол тухтай, тайван сууж хоолоо идэх юм. Ингэхдээ хоолоо маш сайн зажилж идээрэй.
3
Хоолны шингэц муудна
Гадуур алхахдаа тогтмол ямар нэгэн зүйл идэх нь хоол шингэхгүй болгох аюулд хүргэнэ. Мөн хангалттай сайн зажилж идээгүй түргэн хоол нь ходоодны ханыг гэмтээж, улмаар гастриттай болгохыг үгүйсгэхгүй. Үүнээс гадна алхаж явахдаа идсэн хоол хүнс нь ходоодонд шингэхгүй үлдэж, дотор муухайрах, давчдах зэрэг таагүй байдлыг мэдрүүлнэ.
4
Хооллох дүрэм
Та хоол боловсруулах системийн үйл ажиллагааг сайжруулж, хэвийн байлгахыг хүсвэл ширээнд сууж хооллох хэрэгтэй. Мөн чимээгүй, тайван сууж, хоолоо бүрэн мэдэрч, сайтар зажилж, удаан идээрэй. Хоол идэж байхдаа ярилцах, зурагт үзэх, утсаараа тоглож болохгүй бөгөөд энэ нь анхаарал сарниулж, таныг анзаараачгүй байхад хэтрүүлэн идүүлж, дотор муухайруулж мэднэ.
