1 Ямар ч шүдгүй болвол биед юу болох вэ?

Эрүүн дээр шүдний судас болон үндэс хэсэг нь суурилж, тогтдог. Харин шүд аливааг зажилж, хөдлөх нь эрүүнд ачаалал өгч, бодисын солилцооны процесс, цусны эргэлтийг дэмжиж, хүчилтөрөгчөөр эд эсийг хангахад тусалдаг. 

Шүд нь зөвхөн хоол хүнсийг зажлах бус, эрүүний хэлбэрийг хадгалахад гол үүрэг гүйцэтгэдэг байна. Цөөн тооны шүдээ алдсан хүмүүсийн ясны эд эсийн ачаалал багасч, цусны хангамж нь удаашрах төдийгүй яс нь нягтрал, эзлэхүүнээ алддаг аж. Энэ нь цаашлаад эрүүний хэлбэрийг өөрчилж, жижиг, нарийхан болоход хүргэдэг. 

Ямар ч шүдгүй болсноор, ясны өргөн 25 хувиар, өндөр нь 4 мм-ээр буурдаг. Тус асуудлыг хиймэл шүдээр шийдвэрлэх боломжтой хэдий ч, зөв гарц биш юм. Протез нь ердөө л харагдах байдлыг өөрчлөх боловч, ясны ургалтыг дэмждэггүй. 

2 Гадаад төрх хэрхэн өөрчлөгдөх вэ?

Аманд ямар ч шүд байхгүй болсноор, эрүү маш хэврэг болох аж. Нүүрний яс улам бүр нимгэрэх тул, эрүү урагш сунаж, уруул доош суларч, нэг ёсондоо таны царай төрх 20 насаар хөгшрөх болно. Та энэхүү нөлөөг шүдгүй болсон хөгшин хүмүүсээс харах боломжтой.