1 Гар утасны цэнэглэгч

Гар утасны цэнэглэгчийг хэдийгээр утаснаас салгасан ч, хэрэв ишийг нь залгуураас бүрэн салгаагүй бол, цэнэглэгч тог идсээр л  байдаг аж. Хэдийгээр тогны зарцуулалт харьцангуй бага боловч, энэ нь хураагдсаар таны хэтэвчнээс нэлээд хэдэн төгрөгийг салгах болов уу. Мөн хэрэв цэнэглэгчээ угнаас нь салгаагүй үед хүүхэд түүнийг амандаа хийвэл, тогонд цохиулж, амь насаа эрсдэлд оруулах аюултай.

2 Интернэтийн төхөөрөмж

Интернэтийн төхөөрөмжийг ч мөн угаар нь бүрэн салгахгүй бол, жилд маш их хэмжээний мөнгийг зүгээр хаяснаас өөрцгүй юм. Бид телевиз үзэх, интернэт ашиглаж дууссаныхаа дараа зүгээр л телевизээ унтраагаад орхидог. Ингэж л тооцоолоогүй, хэрэгцээгүй сул зардлыг гаргаж байгаа юм. Мөн шөнө унтахдаа тэдгээр цахилгаан хэрэгслийг унтраахгүй байх нь, таны эрүүл мэндэд сөргөөр нөлөөлж, ялангуяа бага насны хүүхдийг тархины хорт хавдар тусахад дам нөлөөлдөг байна.  

3 Телевиз

Телевизыг бид удирдлагаар унтрааснаар, бүрэн унтардаг хэмээн боддог. Гэвч энэ нь ердөө тухайн хэрэгслийг унтаа горимд шилжүүлж байгаа хэрэг юм. Энэ нь юу гэсэн үг вэ гэхээр мөн л таны цахилгааныг дэмий үрж байгаа хэрэг билээ. 

4 Компьютер, нөүтбүүк

Бид ялангуяа зөөврийн компьютерийг горимын дагуу зөв хугацаагаар цэнэглэдэггүй. Энэ нь таны компьютерийн эдэлгээг багасгаад зогсохгүй, маш их тогийг дэмий үрдэг юм. Мөн хэрэв та ийнхүү тогоо зарцуулдаг бол, цахилгааны зардлаа 1.5 дахин нэмж тооцоолох хэрэгтэй байна.

5 Автомат цахилгаан хэрэгсэл

Цагтай буюу ухаалаг, автомат цахилгаан хэрэгслүүд нь маш их тогийг зарцуулдаг. Эдгээр хэрэгслүүдийг ашиглаагүй үедээ бүрэн салгаж хэвшсэнээр та жилд, маш их мөнгийг хэмнэх болно. 

6 Ишээр нь салгах хэрэгтэй юу?

Та ямарваа цахилгаан хэрэгслийг цахилгаанаас ишээр нь бүрэн салгаж  байх хэрэгтэй. Ингэснээр таны цахилгаан зарцуулалтыг хэмнэхээс гадна, гэнэтийн хүчдэл ихсэх үед шатах эрсдлийг бууруулдаг болохыг анхаараарай.