1 Хацрын хонхорхой гэж юу вэ?

Хацрын хонхорхой нь, булчингийн дутуу хөгжилтэй холбоотой байна. Тэгэхээр энэ нь дутуу хөгжсөн булчин нь ийн хонхойж харагддаг аж. Мөн сонирхуулж хэлэхэд, хонхорхой хацар нь удам, эцэг эхийн генээр дамждаг болохыг эрдэмтэд ноцолсон байдаг. Түүнчлэн хонхорхой хацартай бүсгүйчүүд илүү залуу харагддаг бөгөөд, хөгшрөлт ч мөн удаан явагддаг байна. Хэдийгээр төрөлхийн хацрын хонхорхойгүй ч гэсэн, доорх аргуудыг тууштайгаар хэрэгжүүлж үзвэл, боломжгүй зүйл гэж үгүй юм. 

2 Эрүүл хооллолт

Хацрын хонхорхой нь жин нэмэх, хасах үед арилж, эсвэл бүдгэрч болдог. Тиймээс та аль болох жингээ хадгалах хэрэгтэй бөгөөд ингэхэд танд эрүүл хооллолт туслах болно. Судалгаагаар, эрчүүдэд 11-124 хувийн өөх хэрэгтэй байдаг бол, бүсгүйчүүдэд харьцангуй бага буюу 16-20 хувийн өөх тос хэрэгтэй байдаг аж. Мөн зарим тохиолдолд сахарын өвчнөөс болж, хацрын хонхорхой бүдгэрдэг тул та өдөр тутмын хоол хүнсэндээ мах, төрөл бүрийн хүнсний ногоо, жимс, самар, үр тариа зэргийг идэх хэрэгтэй. Түүнчлэн өдөрт 8-аас доошгүй аяга усыг ууж хэвшээрэй!

3 "Cheek piercing"

“Cheek piercing”  буюу хацрын цоолтуурыг сүүлийн үед охидууд ихээр хийлгэх болсон. Харин хацрын цоолтуурыг хийлгэх нь сайн болон муу гэсэн олон мэдээлэл бий. Гоо сайхны эмч нар хацрын цоолтуур хийлгэх нь сөрөг нөлөөтэй хэмээн мэдэгдсэн ч охид, бүсгүйчүүд хөөрхөн болохын тулд эрсдэлтэй алхамыг хийлгэсээр байгаа юм. Хэрвээ та үнэхээр л түргэн хугацаанд хацрын хонхорхойтой болохыг хүсэж байвал, мэргэжлийн эмч, хамт олонд хандаарай гэж зөвлөе! Энэ нь таниас маш их эрсдлийг шаардана. Мөн багаж, орчны ариун цэврийг маш сайн шалгаарай.

4 Хацраа сорох дасгал

Зурагт үзүүлсэн шиг өдөр тутамдаа тус дасгалыг хийх нь булчингийн уян хатан байдлыг сайжруулах, мөн хацрын өөхийг арилгаснаар хонхорхой үүсэх нөхцлийг бүрдүүлдэг. Хэрэв та хацрандаа илүүдэл өөх ихтэй бол, хонхорхойтой болно гэдэг юу л бол... Иймд юун түрүүнд нүүрээрээ турах хэрэгтэй. Та энэхүү дасгалыг өдөрт 10-15 минутаар 2-3 удаагийн давтамжтай хийх хэрэгтэй.

5 Чин сэтгэлээсээ инээмсэглэх

Шүдээ гаргаж, чин сэтгэлээсээ инээх нь ч мөн нэг төрлийн дасгал юм. Та үүнийг хаана ч, хэзээ ч хийх боломжтой шүү дээ. Чин сэтгэлээсээ инээснээр таны бие эрч хүчээр сэлбэгдэж, сэтгэл санаа ч мөн сайхан болох болно. Таны бусадтай харилцах харилцаанд ч мөн сайнаар нөлөөлөх нь лавтай.

6 Хацраа сорж, хуруугаараа дарах

Дээр дурдсан дасгалтай ижил, та хацраа дотроос нь сорж, хонхойлгон, тухайн нүхэн дээрээр дарж өгөөрэй. Тогтмол тус дасгалыг хийж хэвшсэнээр таны хацар хонхорхой болох болно. Мэдээж ганц, хоёр удаа давтаад үр дүн гарахгүй бөгөөд 2-6 сарын дотор хүссэн үр дүндээ хүрэх боломжтой байна.

7 Хацар дээрээ саран хэлбэртэй дүрс зурах

Нүдний харандаа, эсвэл тарж уусдаггүй хөмсөгний харандаа ашиглан та хормын төдийд хацрын хонхорхойтой болж чадна. Энэ нь мэдээж түр зуурын арга бөгөөд хэрэв та дээр дурдсан дасгалуудыг хийсээр байвал удахгүй хүссэн үр дүндээ хүрэх нь лавтай.

8 Уруулаа цорвойлгох

Уруулаа цорвойлгох, дотогшоо сорох, хуруугаараа дарах зэрэг дасгалууд нь хацрын булчинг суллаж, уян хатан болгох үүрэгтэй бөгөөд ингэснээр бидний хүсэн хүлээсэн хацрын хонхорхой үүсэх юм. Та гэртээ байхдаа, дээр дурдсан дасгалуудыг сайн давтаж байгаарай. 

9 Инээх байрлал авах

Зурагт үзүүлсэн шиг инээж, хоёр гарын хуруугаараа хацрынхаа хонхорхой үүсгэх хэсэг дээр дарж, өгөөрэй. Үргэлж энэхүү дасгалыг хийж байх нь, таныг инээх үед хацарт хонхорхой үүсэхэд туслах юм. Эхний ээлжинд та толь руу хараад тус дасгалаа хийж үзээрэй!

10 Нүүр будалт

Та нүүр будалт, гэрэл сүүдрийн тусламжтай хацраа хонхорхойтой мэт харагдуулж болно. Энэ нь мэдээж түр зуурынх ч гэлээ, таныг дасгалаа хийж, үр дүнд хүртэл тань үзэсгэлэнтэй, сайхан харагдахад туслах юм. 

• Эхлээд та нүүрэндээ тохирсон кремийг түрхээрэй.
• Хар хүрэн өнгийн нүдний харандаагаар инээж байхдаа хонхорхой мэт харагдахаар зурж өгнө.
• Ингээд зурсан зүйлээ бор хүрэн өнгийн сүүдрээр сүүдэрлэж, жигд тарааж өгөөрэй.
• Ингэхдээ хэт тод будаж болохгүй!

Та энэ тухай илүү ихийг мэдэхийг хүсвэл ЭНД дарж үзнэ үү!