1
Дархлааны системийг сайжруулна
Зуун настын шүүс нь, витамин С-ээр баялаг бөгөөд хүний биеийн эд эрхтнийг хамгаалж, дархлааны системийг сайжруулдаг байна.
Хэрхэн бэлтгэх вэ?:
- Зуун настын навч - 1 ширхэг
- Ус - 1 стакан
- Зөгийн бал - 1 хоолны халбага
Зуун настын навчаа угааж, доторх гелийг нь гаргаж аваарай. Үүнийгээ стакантай усандаа хийж, дээр нь халбага зөгийн балаа нэмж сайтар хутгаад уух хэрэгтэй.
2
Үсийг бат бөх болгоно
Та үсээ намирсан, бат бөх болгохыг хүсч байвал, зуун настаар маск бэлтгээрэй.
Хэрхэн бэлтгэх вэ?:
- Зуун настын навч - 1 ширхэг
- Бүйлсэн самрын тос (almond oil) - 1 хоолны халбага
Зуун настын навчийг хэрчиж, доторх гелийг нь гаргаж аваарай. Үүнийгээ бүйлсний тостой хольж, үсэндээ түрхээд, 20 минут байлгана. Дараа нь бүлээн усаар угаахаа мартуузай.
3
Арьс арчилгаа
Зуун настын шүүсний тусламжтайгаар арьсаа зөөлрүүлж, гэрэлтсэн болгох боломжтой төдийгүй энэ нь хөгшрөлтийг удаашруулна. Үүнээс гадна нөсөө толбыг бүдгэрүүлэх тустай.
Хэрхэн бэлтгэх вэ?:
- Зуун настын шүүс - 100 гр
- Ус - 3 хоолны халбага
- Спирт - 1 цайны халбага
Та орцуудаа хольж, нүүр болон хүзүүндээ түрхэж, 10 минут байлгаарай. Дараа нь нүүрээ угааж, чийгшүүлэгч тосыг нимгэн түрхэнэ.
4
Ходоод гэдсийг эмчилнэ
Ходоод гэдэсний шарх, үрэвсэлтэй хүмүүс зуун настын шүүсийг ууж болох юм. Нэгэн судалгаагаар, өдөрт 2 удаа 30 мл хэмжээтэй зуун настын шүүс уувал өвчний шинж тэмдэг буурдаг болохыг тогтоожээ. Мөн тус ургамал нь бактерийн эсрэг үйлчилгээтэй тул, "хеликобактер"-ийг ч хянадаг байна.
5
Наранд түлэгдсэн арьсыг эдгээнэ
Зуны халуун наранд түлэгдсэн арьсыг эмчлэхдээ, зуун настын гелийг тухайн хэсэгтээ түрхэхэд л хангалттай. Өдөрт 2-3 удаа түрхээрэй.
Та гэртээ зуун наст ургамлыг тарьж, ид шидийг нь өөрийн биеэр мэдрээрэй!
