1 Амтат хачиртай талх

Орц:

• Үхрийн гол мах - 230 гр
• Давс болон хар перец - амталгаагаар
• Канолын тос - 4 хоолны халбага
• Лайм жимсний шүүс - 2 хоолны халбага
• Сармисны шүүс - 1 цайны халбага
• Загасны соус - 1 цайны халбага
• Элсэнчихэр - 1 чимх
• Хавтгай бин - 2 ширхэг
• Салатны навч
• Ягаан сонгино - 2 зүсэм
• Улаан лооль - 4 зүсэм
• Авокадо - 1/2 

Хийх арга:

• Хайруулын тавганд 2 халбага тосоо хийж, халаагаарай. Үхрийн гол махаа давс, перециэр амталж бэлтгэнэ. 
• Махаа тосондоо шарах бөгөөд нэг талыг нь 4 минут шарж эргүүлээрэй.
• Жижиг аяга сонгож, дотор нь лайм жимсний шүүс, сармисны шүүс, загасны соус, элсэн чихэр, давс, перец болон 2 халбага канолын тосоо хийж, хутгах хэрэгтэй. Бэлэн болсон соусаа цааш тавина. 
• Шарсан махаа биндээ хавчуулж, дээр нь салатны навч, сонгино, улаан лолль, хэрсэн авокадог тавиарай. Үүнийгээ бэлтгэсэн соусандаа дүрж иднэ. 

2 Нурууны махан стейк

Орц:

• Үхрийн нурууны мах - 650 гр
• Бальзамын уксус (Balsamic vinegar) - 2/3 аяга
• Хар перец - 1 хоолны халбага
• Сармис - 2 хумс
• Оливын тос - 1/4 аяга

Хийх арга:

• Махаа нүдэж зөөлрүүлнэ. Дараа нь уутанд хийж, амтлагчуудаа нэмж хийгээрэй. Үүнийгээ 1 цаг хөргөгчинд байлгаж гаргаад, 24 цаг амраана.
• Гриллээ урьдчилан халааж бэлтгэнэ. Махаа гаргаж, нэг талыг нь 6-8 минут шарж, эргүүлээрэй. 
• Бэлэн болсон стейкээ хөндлөн хэрчиж, 4 тавагт хувааж тавиарай. 

3 Гриллдэж шарсан стейк болон салат

Орц:

• Сармис - 4 хумс
• Улаан дарс - 1/2 аяга
• Базилик - 12 см
• Хатаасан рөүзмарин - 1 цайны халбага
• Оливын тос - 4 хоолны халбага
• Нурууны мах - 650 гр
• Сонгино - 1 ширхэг
• Амтат чинжүү - 4 ширхэг
• Хатаасан орегано - 1/2 цайны халбага
• Бальзамын уксус (Balsamic vinegar) - 1 хоолны халбага

Хийх арга:

• 2 хумс сармисыг хэрчиж, улаан дарс, базилик, рөүзмарин, 2 халбага оливын тостой хольж, махаа амтлан, утаанд хийж тавиарай.
• Нэг халбага тосоо халааж, хэрчсэн сонгиноо 10 минут хуурч, дээр нь амтат чинжүү, орегано болон 1 халбага тосоо нэмж, хийгээрэй. Ахин 5 минут хуурсны дараа 2 хумс сармисаа хэрчиж, хийгээд 1 минут байлгана. Дараа нь бальзамын уксусаа хийж, ахин 1 минут хуураарай. Салатаа гаргаж таваглана. 
• Амталсан махаа гаргаж, дээр нь 1/4 халбага давс цацаж, хар перецээр амтлах хэрэгтэй. Үүнийгээ грилл дээр шарж, тал тус бүрийг 6 минут шарна. Ингээд л таны стейк бэлэн болох бөгөөд махаа бэлтгэсэн салаттайгаа идэх юм. 

4 Өргөст хэмхтэй тако

Орц:

• Давс - 1 цайны халбага
• Хар перец - 1 цайны халбага
• Нунтаг сармис - 1 цайны халбага
• Нунтаг сонгино - 1 цайны халбага
• Нунтаг чили - 1 хоолны халбага
• Гол мах - 450 гр
• Кокосын тос
• Нимгэн хайрсан бин - 8 ширхэг
• Лайм жимсний шүүс - 2 хоолны халбага
• Өргөст хэмх - 1 ширхэг
• Хайлдаг бяслаг - 2 аяга

Хийх арга:

• Жижиг аяганд давс, перец, нунтаг сармис, нунтаг сонгино, нунтаг чилигээ хийж, хутгаарай. Үүгээрээ махаа амталж, хэсэг амраана.
• Дараа нь гриллээ халааж, махаа шарах бөгөөд тал тус бүрийг нь 3-5 минут шарахад хангалттай.
• Бэлэн болсон махаа нарийхан хэрчиж, лайм жимсний шүүсээр амтлаад, биндээ хавчуулаарай. Өргөст хэмхээ нимгэн хэрчиж, махтайгаа цуг, биндээ хийх бөгөөд үрсэн бяслагаа цацсанаар таны хоол бэлэн болно. 

5 Өндөгтэй, гриллдсэн стейк

Орц:

• "Worcestershire" соус - 2 хоолны халбага
• Нунтаг халуун чинжүү - 1/2 цайны халбага
• Нунтаг сонгино - 1/4 цайны халбага
• Хар перец - 1/4 цайны халбага
• Үхрийн гол мах - 650 гр
• Канолын тос - 4 цайны халбага
• Бууцай - 16 аяга
• Өндөг - 4 ширхэг

Хийх арга:

• "Worcestershire" соус, нунтаг хар перецээ нэгтгэж, аяганд хийж холиод, махаа амтлана.
• Хайруулын тавгандаа 1 халбага тос хийж, амталсан махаа тал тус бүрийг нь 6 минут орчим шарж, гаргаарай. Мөн махаа зүсэхээс өмнө 10 минут амраах хэрэгтэй.
• Томхон саванд 2 халбага тос хийж, халаагаад бууцайгаа 1 минут хуурч, 4 тавагт хувааж хийнэ.
• Үлдсэн нэг халбага тосоо халааж, өндгөө шарна. Ингээд л таны хоол бэлэн болох бөгөөд махаа хэрчиж, шарсан өндөгтэйгээ идэж болох юм. 

6 Амталж шарсан нурууны махан стейк

Орц: 

• Бор элсэн чихэр - 2 цайны халбага
• Орегано - 2 цайны халбага
• Нунтаг чили - 2 цайны халбага
• Давс - 1.5 цайны халбага
• Гоньд - 1.5 цайны халбага
• Шанцай - 3/4 цайны халбага
• Нурууны мах - 650 гр

Хийх арга:

• Жижиг аяганд бор элсэн чихэр, орегано, нунтаг чили, давс, гоньд, шанцай зэргээ хийж, холино. Үүгээрээ махаа амталж, уутанд хийгээд, хөргөгчинд 2 цаг байлгасны дараа, 6 цаг амраана.
• Урьдчилаад гриллээ халааж, тослоорой. Дараа нь махаа нэг талыг 3-4 минут шарж, эргүүлээд, нөгөө талыг нь шарна. Махаа гаргаад, тугалган цаасанд ороож, 10 минут байлгаарай. Дараа нь хэрчиж, идэх боломжтой. 

7 Брокколитой стейк

Орц:

• Брокколи - 400 гр
• Оливын тос - 2 хоолны халбага
• Сармис - 2 хумс
• Нунтаг халуун чинжүү - 1/4 цайны халбага
• Вандуй - 400 гр
• Нимбэгний шүүс - 1/2 цайны халбага
• Хоол амтлагч (allspice) - 1/2 цайны халбага
• Гол мах - 4 ширхэг (тус бүр нь 150 гр)
• Хэрчсэн сонгино - 1/2 аяга
• Конъяк - 1/2 аяга
• Тахианы тунгалаг шөл - 1/2 аяга
• Яншуй - 2 хоолны халбага

Хийх арга:

• Тогоонд ус хийж буцалгаад дотор нь брокколиг хийж, 3-4 байлгаж, гаргаарай. Хайруулын тавганд нэг халбага оливын тосыг хийж, халаагаад хэрчсэн сармис, нунтаг халуун чинжүүг хуурах бөгөөд дээр нь шүүж авсан брокколиг нэмж, хутгаарай. Ойролцоогоор 2-3 минут байлгасны дараа давс болон хар перецээр амталж, гар дээрээс аван, таглаж тавина.
• Гриллээ халааж, бэлтгэнэ. Хоол амтлагч, оливын тос, 1/2 цайны халбага давсыг хольж, махаа амтална. Амталсан махаа шарж, болгоорой. 
• Сонгиноо тосонд хийж, хуурч дээр нь конъяк болон тахианы тунгалаг шөлийг нэмж, өтгөрүүлээрэй. Галаа багасгаж, дээр нь бага зэрэг гич нэмээд, 2-3 минут байлгана. Үүнийгээ махан дээр асгаж, амтлах бөгөөд бэлтгэсэн брокклиг махтайгаа хамт иднэ. 

8 Можо соустай стейк

Орц:

• Оливын тос - 1/4 аяга
• Жүржийн шүүс - 1/4 аяга
• Килантро - 1/4 аяга
• Базилик - 1/4 аяга
• Сармис - 3 хумс
• Лайм жимсний хальс - 1 цайны халбага
• Шанцай - 3/4 цайны халбага
• Давс - 3/4 цайны халбага
• Нурууны мах - 450 гр
• Хар перец - 1/4 цайны халбага

Хийх арга:

• Оливын тос, жүржийн шүүс, килантро, базилик, лайм жимсний хальс, сармис, шанцай болон 1/2 халбага давсыг хольж, бэлтгэнэ. Үүгээрээ махаа амталж, уутанд хийгээд, хөргөгчинд 2 цаг, тасалгааны температурт 4 цаг амраана. 
• Гриллээ халааж, бэлтгэнэ.
• Махаа гаргаж, 1/4 цайны халбага давс болон перецээр амтлаарай. Үүнийгээ шарах бөгөөд нэг талыг нь 10-12 минут гриллдэхэд хангалттай. Махаа хэрчихээс өмнө 5 минут амраах хэрэгтэй. 

9 Гриллдсэн үхрийн мах

Орц: 

• Килантро - 1/2 аяга
• Лайм жимс - 2 ширхэг
• Гоньд - 1/2 цайны халбага
• Нунтаг сармис - 1/4 цайны халбага
• Халуун чинжүү - 1/2 цайны халбага
• Үхрийн нурууны мах - 1 кг
• Оливын тос - 1 хоолны халбага
• Амтат чинжүү - 2 ширхэг
• Сонгино - 1 ширхэг
• Хавтгай бин (tortilla) - 18 ширхэг
• Улаан лооль - 2 ширхэг
• Авокадо - 1 ширхэг

Хийх арга:

• Килантро, лайм жимсний шүүс, гоньд, нунтаг сармис, халуун чинжүүгээ нэгтгэж, уутанд хийгээрэй. Үүндээ махаа нэмж, амтлах бөгөөд хөргөгчинд 40 минут байлгахад хангалттай. 
• Хайруулын тавганд тосоо хийж, халаах бөгөөд хэрчсэн чинжүүгээ 5-8 минут хуурч, зөөлрүүлээд, аяганд хийж аваарай. Дараа нь сонгиноо хуурах бөгөөд бор шаргал болмогц нь гаргаж авна. 
• Гриллээ халааж, махаа тал тус бүрийг нь 7 минут шарах бөгөөд бэлэн болмогц нь 5 минут амраасны дараа зүснэ.
• Одоо хавтгай бингээ богино долгионы зууханд хийж, 5 секунд халаах бөгөөд хэрчсэн улаан лооль, авокадо болон махаа биндээ хавчуулж, идээрэй. 

10 Гриллдэж шарсан үхрийн махан салат

Орц:

• Жүржийн шүүс - 3 хоолны халбага
• Лайм жимсний шүүс - 2 хоолны халбага
• Давс - 3/4 цайны халбага
• Халуун чинжүүний соус - 3/4 цайны халбага
• Гоньд - 1/2 цайны халбага
• Үхрийн мах - 280 гр
• Ягаан сонгино - 1 ширхэг
• Амтат чинжүү - 3 ширхэг
• Улаан лооль - 1 ширхэг
• Оливын тос - 1 хоолны халбага

Хийх арга:

• Жижиг аяганд жүржийн шүүс, лайм жимсний шүүс, 1/4 цайны халбага давс, халуун чинжүүний соус болон гоньдыг хольж, үхрийн мах болон сонгины хамт уутанд хийгээрэй. Үүнийгээ 30 минут өрөөний температурт байлгах хэрэгтэй. 
• Гриллээ урьдчилан халааж, амталсан махаа, нэг талыг нь 7 минут шарах бөгөөд сонгино, амтат чинжүүг ч мөн гриллдэж шараарай. 
• Махаа бэлэн болмогц нь 10 минут амраасны дараа хэрчинэ. 
• Мах, чинжүү, сонгино, улаан лооль, оливын тос болон үлдсэн 1/2 цайны халбага давсаа хийж, хутгаснаар таны салат бэлэн болох юм.