1 Яагаад ногоон иштэй сармис хэрэглэх ёстой вэ?

• Сармис нь соёолох явцдаа төрөл бүрийн өвчнийг эсэргүүцэх чадвартай хүчирхэг "ферментүүд"-ийг бий болгодог байна. Харин энэ бүхэн нь ногоон ишиндээ хуримтлагдаж, тод ногоон өнгөтэй, хурц үнэртэй болдог аж.
• Ногоон иштэй сармисыг хэрэглэснээр дархлааны систем сайжирна.
• Сармис нь зүрхний үйл ажиллагааг тогтворжуулж, судсыг цэвэрлэдэг бол ногоон иш нь илүү их үр дүнг үзүүлж, зүрх судасны өвчнөөс сэргийлдэг.
• Тус хүнсийг эртнээс цус харвалтаас сэргийлэх уламжлалт анагаах ухааны нэгээхэн хэсэг болгож хэрэглэсээр иржээ.
• Хоолны хордлого,  суулгалт зэргийг эмчлэхэд сармисны ногоон иш танд туслах болно.
• Хавдар үүсэх магадлалыг бууруулна.
• "Антиоксидант"-аар баялаг ногоон иш нь арьсны хөгшрөх үйл явцыг удаашруулж, үрчлээг багасгадаг аж. 

2 Хэрхэн хэрэглэх вэ?

• Гадуур худалдаалагдаж байгаа сармисыг авч хэрэглэхээс илүүтэй гэртээ тарьж ургуулаарай. Хэрвээ тарих боломжгүй байвал сармис авахдаа сайтар анхаарч, заавал шинэхэн, ногоон иштэйг сонгоорой.
• Сармисыг ганцааранг нь тарьж ургуулахад тохиромжтой байдаг. 
• Хэрэглэхээс өмнө сармисаа голоор нь хувааж, ногоон ишийг нь шалгаж, ямар нэгэн хар өнгөр тогтсон байгаа эсэхийг анзаараарай. 
• Та заавал чаналгүйгээр сармисны ишийг хэрчиж хоолоо амталж болно.
• Сармисны ногоон иш нь маш хурц амттай тул тохируулан хэрэглээрэй.