1 Гаднах сав, баглаа боодол

Гар утас худалдаж авахдаа гаднах сав, баглаа боодлыг нь сайтар шалгаж байгаарай. Учир нь оригинал, чанартай гар утас үйлдвэрлэгчид хайрцаг дээрх бичигнүүд, шошго зэргийг хэвлэн гаргахдаа ихээхэн ач холбогдол өгдөг байна. Хэрвээ нэг ширхэг ч үг үсгийн алдаагүй байвал оригинал гэж ойлгож болох ажээ. Түүнээс гадна, хайрцагны бүрэн бүтэн байдал, эвдэрч хэмхэрсэн эсэхийг ч мөн шалгах хэрэгтэй аж.

2 Хэрэглэх заавар

Худалдан авч буй гар утсыг тань дагалдаж, хэрхэн хэрэглэх тухай бичсэн гарын авлага ирдэг билээ. Хэрвээ гарын авлаган дээр олон хэлээр хэрхэн хэрэглэхийг бичиж, тайлбарласан байвал энэ нь хуулбар юм уу, эсвэл хуурамч гэсэн үг ажээ.

3 Хийц

Гар утас болон түүнд дагалдан ирж буй хэрэгслүүдийн хийц, загварыг сайтар харж, нягтлах нь чухал юм. Ингэснээр та хуурамч эсэхийг нь тэр дорхноо ялгаж, мэдэж болно.

4 Үсгийн фонт

Гар утас болон түүний дагалдах хэрэгслүүд дээр үйлдвэрлэгч компанийн албан ёсны лого байдаг билээ. Энэ нь хууль дүрмийн дагуу патентлан авсан, тухайн газрын өмч юм. Тиймээс та логог бичсэн үсгийн фонт болон өнгийг сайтар анхаарч харж байгаарай. Хуурамч бүтээгдэхүүн дээрх лого нь өөр өнгөтэй байх бөгөөд үсгийн фонт нь албан ёсны логотой харьцуулахад харилцан адилгүй бичигдсэн байдаг байна.

5 Цэнэглэгч

Гар утсанд дагалдаж ирдэг хамгийн чухал хэрэгсэл бол цэнэглэгч юм. Цэнэглэгчний тусламжтайгаар гар утсаа бид ашигладаг шүү дээ. Түүнээс гадна, цэнэглэгч чанаргүй, хуурамч бол гар утас амархан гэмтэж, ажиллах горим нь алдагддаг байна. Тиймээс шинээр гар утас худалдан авч байгаа бол, цэнэглэгчийг нь сайтар шалгах ёстой гэдгийг бүү мартаарай. 

6 "USB"

"USB" оролт ч мөн гар утасны чухал хэрэгсэл билээ. Харин та үүний оригинал эсэхийг шалгахын тулд Хошуу болон "USB"-ний логоны өнгийг доорх зурган дээр үзүүлсэн шиг сайтар шалгаж үзэх хэрэгтэй юм.

Та яг одоо өөрийнхөө утсыг шалгаад үзээрэй!