1
"Rocky"
Найруулагч: Жон Авилдсэн (John Avildsen)
Гол дүрд: Силвестр Сталлон (Silvestre Stallone), Талиа Шайр (Talia Shire), Карль Уитерс (Carl Weathers)
Нээлт: 1976.11.21
Үйл явдал: Домогт ширэн бээлийтний тухай өгүүлэх уг киногоор хүн хүсэл мөрөөдлийнхөө төлөө тууштай тэмцэж чадвал амжилтанд хүрч болдог гэдгийг харуулаад зогсохгүй хөдөлмөрийнхөө үр шимийг амтлах ямар сайхан мэдрэмж төрүүлдэг болон ялалт, ялагдлын алинд ч хажууд байж, туслаж дэмждэг эрхэм хүмүүс амьдралд хэр чухал байр суурь эзэлдэг болохыг харуулахыг зорьжээ.
2
"The Shawshank Redemption"
Найруулагч: Фрэнк Дарабонт (Frank Darabont)
Гол дүрд: Тим Роббинс (Tim Robbins), Морган Фриймэн (Morgan Freeman), Боб Гордон (Bob Gordon)
Нээлт: 1994.09.23
Үйл явдал: Дэлхийн бүх цаг үеийн хамгийн шилдэг кинонуудын нэг болох "The Shawshank Redemption"-ийг үзээгүй хүн тун ховор биз ээ. Энэхүү дэлгэцийн бүтээлд тухайн үеийн нийгмийн аж байдал, шоронгийн амьдрал, хүмүүсийн харилцааг тусган харуулсан бөгөөд хүмүүст олон зүйлийг ойлгуулсан чанартай кино болсон гэдгээрээ онцлог юм.
3
"The Green Mile"
Найруулагч: Фрэнк Дарабонт (Frank Darabont)
Гол дүрд: Майкл Кларк Данкан (Michael Clarke Duncan), Том Хэнкс (Tom Hanks), Даг Хаткинсон (Doug Hutchinson)
Нээлт: 1999.12.10
Үйл явдал: Хүний бусдын төлөө гэсэн сайхан сэтгэлийг та энэхүү киноноос үзэх боломжтой юм. Кинонд ямар ч өвчнийг өөртөө авч, эдгээж өгдөг онцгой чадвартай, өнгөт арьст хоригдлын тухай гардаг бөгөөд нээлтээ хийсэн даруйдаа олон сая хүний сэтгэлийн нарийн утсыг хөндөж чадсан гайхалтай бүтээл болсон билээ.
4
"The Great Gatsby"
Найруулагч: Баз Лурмэнн (Baz Luhrmann)
Гол дүрд: Леонардо ДиКаприо (Leonardo DiCaprio), Кэри Маллигэн (Carey Mulligan), Жоэл Эдгертон (Joel Edgerton)
Нээлт: 2013.05.10
Үйл явдал: Мөнгөтэй харьцана гэдэг тийм ч амар зүйл биш болов уу. Аль болох няхуур, болгоомжтой байхгүй бол, мөнгөнд хүн толгойгоо мэдүүлэх шиг өөр аюултай зүйл энэ хорвоо дээр байхгүй биз ээ. Тэгвэл охид, бүсгүйчүүдийн мөрөөдөл болсон Леонардо ДиКаприогийн тоглосон уг киноноос та олон сургамжтай зүйлсийг ойлгож авна гэдэгт итгэлтэй байна.
5
"Fearless"
Найруулагч: Ронни Юу (Ronny Yu)
Гол дүрд: Жет Ли (Jet Li), Сун ли (Sun Li), Натан Жонес (Nathan Jones)
Нээлт: 2006.01.26
Үйл явдал: Тулааны урлагийн гайхамшгийг харуулсан уг киноноос та Ази тивийн хамгийн шилдэг жүжигчдийн нэг Жет Лигийн дүрээ хэрхэн чадварлаг бүтээснийг олж харах боломжтойгоос гадна, энэхүү киног үзсэнээр та урам зоригоор цэнэглэгдэх болно гэдэгт итгээрэй.
6
"Forrest Gump"
Найруулагч: Роберт Земекис (Robert Zemeckis)
Гол дүрд: Том Хэнкс (Tom Hanks), Майкл Коннор Хамприс (Michael Connor Humphreys), Робин Райт (Robin Wright)
Нээлт: 1994.06.23
Үйл явдал: Бас нэгэн дэлхийн сор бүтээлүүдийн нэг болох уг киног үзсэнээр та хүн өөрт байгаа бүх бололцоогоо бүрэн ашиглаж чадвал, ямар амжилт хүлээж байдаг болохыг мэдэж авахаас гадна, итгэл найдвараа алдаагүй цагт ямар ч хүнд хийж чадахгүй зүйл гэж байдаггүй гэдгийг ойлгож авах юм.
7
"Braveheart"
Найруулагч: Мел Гибсон (Mel Gibson)
Гол дүрд: Мел Гибсон (Mel Gibson), Ангус МакФадьен (Angus McFadyen)
Нээлт: 1995.05.24
Үйл явдал: Хайртай бүсгүйг нь хөнөөсөн Англичуудаас өшөөгөө авч, эрх чөлөөнийхөө төлөө эр зориг гарган тэмцэх агуу тэмцэгчийн тухай уг кинонд гардаг.
8
"Coach Carter"
Найруулагч: Томас Картер (Thomas Carter)
Гол дүрд: Чэннинг Татум (Channing Tatum), Самуэл Жэксон (Samuel Jackson)
Үйл явдал: Сагсан бөмбөгийн спорт гэдэг дан ганц бөмбөгийг цагираганд хийх биш бөгөөд багаар ажиллах ухаанд суралцах, хүнийг тэсвэр хатуужил, хүсэл тэмүүлэлтэй болгох үндэс болохыг уг киноноос харж болох юм. Мөн ялалт, ялагдлын амт хүнд яаж нөлөөлдгийг та энэхүү киноноос үзээрэй.
9
"The Blind Side"
Найруулагч: Жон Лий Хэнкок (John Lee Hancock)
Гол дүрд: Сандра Баллок (Sandra Bullock), Куйнтен Эрон (Quinton Aaron)
Үйл явдал: Спорт хүнийг арьс өнгө, нас хүйс, үндэс угсаагаар хэзээ ч ялгадаггүй. Өөрөөр хэлбэл цэвэр ариун өрсөлдөөний талбар юм. Хүн хэрвээ хүсвэл болохгүй, бүтэхгүй зүйл гэж байдаггүй болохыг тод томруунаар харуулсан энэхүү кино нь спорт төрөл жанрын кинонуудаас олны таашаалд хамгийн ихээр нийцсэн цөөн хэдэн уран бүтээлүүдийн нэг юм.
10
"The Theory of Everything"
Найруулагч: Жарнес Марш (Jarnes Marsh)
Гол дүрд: Эдди Редмэйн (Addy Redmayne), Фелисити Жонес (Felicity Jones)
Үйл явдал: Одоог хүртэл амьд сэрүүн байгаа алдарт эрдэмтэн, "Хар нүх"-ийг судалж, тогтоосон Стифен Хоукинг (Stephen Hawking)-ийн бодит амьдралыг харуулсан уг кинонд түүний философийн ангийн оюутан бүсгүйтэй хайр сэтгэлийн холбоотой болж, булчин сулрах өвчинтэйгөө тэмцэж байгаа тухай гайхалтай түүхийг өгүүлдэг байна.
