1
Ууттай элсэн чихэр
Гонзгой ууттай элсэн чихрийг нэг талаас нь бус голоор нь урах ёстой байдаг. Тэгвэл бүх элсэн чихэр гоожихоос гадна таны гар цэвэрхэн үлдэх юм.
2
Чипс
Сав руу цаас нугалаад хийчихвэл гаргаж ирэхэд хамаагүй хялбар болно.
3
Ууттай чипс
Ууттай чипсийг хайч юм уу, бусад үзүүртэй зүйл ашиглан зурагт үзүүлсэн шиг гол хэсгээр нь онгойлговол амар байгаа биз?
4
Чанасан төмс
Төмснийхөө голоор гүехэн зүсээд төмсөө чанаарай. Харин болонгуут нь хүйтэн усанд сойгоод хальсыг нь хуулаарай.
5
"Tic Tac Toe"
"Tic Tac Toe"-ийг хажуу тийш нь хазайлгаад тагийг нь нээвэл зураг дээрх шиг хялбархан гарч ирдэг ажээ.
6
Кофений сүү
Баруун талын зураг дээрх шиг кофений сүүний таглааг гурвалжин хэлбэрээр нээвэл хэмжээг нь тааруулан аягандаа хийж боломжтой юм.
7
Кофений аяга
Кофений аяганууд амархан онгойх зориулалттай байдаг. Тиймээс та заавал тагийг нь онгойлгох гэж хүчээ барж, кофегоо асгах шаардлагагүй. Ердөө л зурган дээрх шиг бяцхан нээхэд болох ажээ.
8
"Toblerone"
"Toblerone" шоколадны гурвалжинг дотогш нь түлхвэл амархан хугардаг. Ингэвэл хүч огт шаардагддаггүй тул нэг хуруугаараа ч таслан авч болох юм.
9
Жүүс
Жүүсний таглаа ихэвчлэн нэг тал руугаа шахаж байрласан байдаг. Харин энэ талаар нь аягалах үед цалгиж, асгардаг билээ. Тэгвэл жүүсний амсрын эсрэг тал руу хазайлгавал дээрх аюул байхгүй болох ажээ.
10
Наргил модны самар
Наргил модны самар дээр хоорондоо ойрхон байрлах 3 нүх хайж олоорой. Ингээд аль нэг рүү нь хутга юм уу, халив шургуулж цоолоод, гуурс хийж ууна. Хэрэв самрыг задалмаар байгаа бол гурван цэгтэй ойрхон шугам тойруулан зураарай. Дараа нь зураасаа тогшвол самар өөрөө нээгдэх ажээ.
11
Лаазалсан хүнс
Лааз онгойлгохдоо нэг гараараа лаазаа эргүүлж, нөгөө гараараа онгойлгоно. Гэхдээ хоёр гар эсрэг тийшээ эргэлдэх ёстойг санаарай. Ингэвэл хурдан, амархан онгойхоос гадна, гараа зүсэх аюул учрахгүй юм.
