1 Шүүгээгээ чимэглэх

Хуучирч муудаж өнгө зүсээ алдсан жижиг шүүгээгээ шинээр солих гэж бүү яараарай. Үүний оронд өнгөлөг хуулга, будаг авчраад өөрийн гараар засварлаад үзэх хэрэгтэй юм. 

2 Сандалаа будаж, засварлах

Элэгдэж муудсан түшлэгтэй сандлыг тод өнгөөр будаж, эрвээхий, цэцгээр чимэглэхэд л хаях гэж байсан сандал тань шинэхэн мэт харагдах болно. 

3 Хуучин ширээг загварлаг болгох

Бид орчин үеийн техник технологийг даган хувьсаж хуучин эд хогшилоо гаргаж хаяхыг эрмэлзэх болсон. Харин яагаад хуучин ширээгээ өнгөөр будаж засварлаад хичээллэж, суралцаж болохгүй гэж? 

4 Буйданг шинэчлэх

Өнгөө алдсан буйданг гэгээлэг өнгөөр будаж, дээд талын матрассыг шинэчлэхэд хангалттай. 

5 Тавиурыг гоёх

Та ямар ч зүйл байлаа гэсэн тод гэгээлэг өнгөөр дахин сэргээн будаж, багахан чимэглэл хийхэд л цоо шинэ тавилга авснаас өөрцгүй болох юм. 

6 Загвар муутай шүүгээг янзлах

Олон жилийн турш таны хэрэглээг хангаж, гэрийг тань чимэглэж байсан хуучин шүүгээг яагаад шинэчилж, загварлаг болгож болохгүй гэж? Жишээлбэл та үүнийг охидын өрөөнд тавих гэж байгаа бол цагаан өнгөөр будаж, өнгө өнгийн цэцэг нааж болно. Харин хөвгүүдийн өрөөнд тавих гэж байгаа бол гүн цэнхэр өнгөөр будаж, сар од зэргийг дүрслэх боломжтой билээ. 

7 Шүүгээг чимэглэх

Хэрэглэхээ больсон шүүгээг тод өнгөөр будаж, хаалганд нь эрээн хуулга нааж болох аж. Ингээд л та мөнгө үрэлгүйгээр шинэхэн орны хажууд тавьдаг шүүгээтэй болчихож байгаа юм. 

8 Тольтой ширээг шинэчлэх

Эртнээс залгамжилж ирсэн тольтой ширээг орчин үеийн загварт тохируулан өөрчлөх боложтой. Халтартаж муудсан толийг нь салгаж аваад өнгийг нь гэгээлэг болгож өөрчлөх ёстой төдийгүй хаалга тус бүрт нь цэцэг навтай хуулга нааж өгнө. 

9 Эвдэрсэн орны толгойг ашиглах

Та эвдэрсэн орныхоо толгойг бүү хаяаарай. Үүний оронд толгойг өнгөөр будаж янзлаад буйдангынхаа ард тулгуур болгож тавьж болох юм. 

10 Явган ширээг засварлах

Хуучирч өнгө алдсан явган ширээний гадна өнгийг өөрчилж, байнга хэрэглэдэг эд зүйлийнхээ тавиур болгон ашиглаж болох юм. Энэ таныг шинэ ширээ худалдаж авах асуудлаас салгаж, гэрийг тань гэрэлтүүлнэ. 

11 Сандал өнгө оруулах

Айл болгонд эмээ өвөөгийнх нь эдэлж байсан хуучны загвартай сандал байдаг. Ийм дурсамж агуулсан эдийг хаяхад хайран шүү дээ. Тиймээс түшлэг болон зөөлөвчийг нь өөрийн гараар өөрчлөөд үргэлжлүүлэн хэрэглэж болох ажээ.

12 Номын тавиураа засах

Хэрэггүй болсон номын тавиураа гоёмсог өнгөөр будаад, хаалга хийгээд л гэрт тань өнгө нэмэх тавилга, шүүгээ болгож өөрчлөх болможтой. 

13 Жижиг ширээг засварлаж ухаалгаар ашиглах

Жижиг ширээнийхээ өнгийг гэгээлэг болгон хувиргаж, хэрэглэх зориулалтыг нь өөрчлөөд хүүхдийнхээ өрөөнд тавиарай. Энэ нь бяцхан үрсийн биеийн хэмжээнд тохирсон тавилга болно.

14 Хуучин ширээг шинэ мэт болгох

Эртний хэв загварын хуучин ширээгээ зүлгүүрдээд дахин будаж хэрэглэж болох нь ээ. Эсвэл хүүхдийнхээ зурсан зургаар чимэглэж ч болох юм.

15 Ханын шүүгээг янзлах

Ямар ч хуучин шүүгээг шинэ юм шиг болгохын тулд бяцхан өөрчлөлтүүд хийхэд л хангалттай. Бариулыг нь сольж, гадна талд нь гэрийнхээ бусад тавилгатай зохицох хуулга нааж, шилийг нь солиод тавьчихад л огт өөр шинэхэн юм шиг харагдана.