1 Арьсаа борлуулах

Цас шиг цагаан царайтай эрчүүд бүсгүйчүүдэд төдийлэн таалагдаггүй бөгөөд эмэгтэйлэг шинж чанарыг агуулсан мэт сэтгэгдэлийг төрүүлдэг юм. Харин арьсаа бага зэрэг борлуулсан хөрслөг бор эрчүүд хүчирхэг, халуухан харагддаг байна. 

2 Муу найзууд

Муу найзууд нь тухайн залууг улам бүр тодотгож дур булаам, сайн болгож харагдуулдаг юм. Бүсгүйчүүд залууг найзуудаас нь ялгаж, илүү халуухан болохыг нь олж харах төдийгүй харцаа салгаж, зүрхээ удирдаж чадахгүй болдог аж.

3 Сайхан бие

Сүүлийн үед залуус булчин шөрмөсөө зангируулж, бие бялдараа хөгжүүлэхээр фитнесс заалыг ихээр зорих болсон билээ. Тиймдээ ч гудамжаар явахад тэврээд авмаар сайхан биетэй залуус олноороо харагдах болсон. Мэдээж энэ нь бүсгүйчүүдэд үнэхээр таалагддаг. Бүр тэднийг галзууруулдаг. Налахад тухтай, тэврэхэд тэвэр дүүрэх өргөн мөр гээд л... Сайхан биш гэж үү? Ялангуяа фитнесийн хувцасаа өмсөөд дасгалаа хийж байгаа эрчүүдийг хэдэн цаг ч хамаагүй ширтээд л баймаар байдаг бөгөөд тухайн төрх байдал нь дэндүү халуухан харагддаг байна.

4 Цайны мөнгө өгөх

Хамт гадуур зугаалж, оройн зоог барьсны дараа зөөгчид цайны мөнгө үлдээх нь тухайн залуугийн соёлтой, боловсон байдлыг илтгэж, бүсгүйн зүрх сэтгэлийг эзэмдэнэ. Энэ нь тэдний өглөгч, тусархаг болоод зөөлөн дулаан байдлыг мэдрүүлж, хичнээн халуухан харагдуулдаг гээч. 

5 Дууны өнгө аяс

Баргил сайхан хоолойтой эрчүүд ямагт бүсгүйчүүдийн мөрөөдөл, сэтгэлийн нарийн утсыг хөндөх зүйл байсаар ирсэн билээ. Тиймдээ ч жинхэнэ эр хүний хоолойг тэдэнд сонсгож, хүчирхэг байдлаа мэдрүүлэх нь залууг илүү халуухан, сэтгэл татам болгож хувиргадаг байна. 

6 Сайхан үнэртэй

Хажуугаар нь өнгөрөх төдийд л сайхан үнэр хамар цоргиулах эрчүүдийг халуухан гэхгүй бол алдас болох бизээ. Ойртох тусам мансууруулах тус үнэр нь тэдний хамгийн хүчтэй зэвсэг гэж хэлж ч болно. Залуу та бүсгүйчүүдийг өөртөө татахыг хүсч байвал зөөлөн үнэртэй тансаг сүрчиг сонгож, хэрэглээд үзээрэй.

7 Зөвхөн нэг бүсгүйд анхаарлаа хандуулах

Эргэн тойронд юу болж байгаа эсэхээс үл хамаарч, бүх анхаарлаа зөвхөн нэг бүсгүйд зориулах залуу хамгийн халуухан бас өөртөө итгэл төгс харагддаг. Энэ байдал нь бүсгүйд 100 хувь таалагдах бөгөөд сэтгэл зүрхэндээ хэдийн залууг багтаачихсан байдаг аж. 

8 Инээмсэглэх

Сайхан инээмсэглэл нь хүн бүрийг улам бүр дулаахан, халуухан харагдуулдаг билээ. Тэр тусмаа эр хүний дур булаам, халуун дотно инээмсэглэл бүсгүйчүүдийг алмайруулж, байгаа чигт нь хөшөөж орхидог аж. Үүнээс гадна тухайн залууг инээхэд танан цагаан шүд нь яралзаж харагдвал түүнийг төгс хэмээн нэрийдэж болно. Дур булаам инээмсэглэлээр өөрийгөө чимсэн халуухан залууд татагдахгүй бүсгүй гэж үгүй.

9 Сахалаа ургуулах

Өөрт тохирох их ч биш бага ч биш сахал нь залууг улам бүр халуухан, сэтгэл гижимдэм болгодог. Энэ нь ерөнхийдөө бага зэрэг овор нэмэх ч гэлээ жинхэнэ утгаараа эр хүн гэж мэдрэгддэг юм. Хүүхэд шиг нялх царайтай, гөлгөр гөлчгөр арьстай залууст татагдах бүсгүйчүүд цөөхөн аж. Харин тэдэнд бага зэрэг ургасан сахал, болоод ширүүн төрхтэй эрчүүд маш ихээр таалагдаж, сэтгэлийг нь булаан, зүрхийг нь булиглуулж байдаг юм.

10 Сайхан хувцаслах

Өөрийн стил, имиджээ хэдийн олчихсон мэдрэмжтэй хувцасладаг залуус олширч байгаа билээ. Хүнийг хувцсаар нь угтаж ухаанаар нь үднэ гэдэгтэй адил сайхан хувцасласан эрчүүд бүсгүйчүүдийн харцыг булааж, хайрыг татна. Цэвэрхэн атлаа дэгжин хувцаслалт нь тэднийг дэндүү дур булаам, халуухан болгодог аж. 

11 Нүүрээ арчлах

Зөвхөн эмэгтэй хүн нүүрээ арчилж, анхаарал хандуулна гэдэг утгагүй зүйл. Зарим эрчүүд нүүрээ арчласнаар өөрсдийн эрэгтэй шинж байдал алдаж, бүсгүйчүүдийн эгнээнд шилжиснээс өөрцгүй зүйл гэж үзэх нь бий. Гэхдээ охид бүсгүйчүүдэд өөртөө арчаатай, арьсандаа ч анхаарал хандуулдаг залуус илүүтэй таалагдаж, халуухан санагддаг гэдгийг та мэдэх үү? 

12 Мэдрэмжтэй байх

Яагаад ч юм ярьж байгаа бүхэн нь бусдыг өөртөө татаж чаддаг, мэдрэмжтэй залуус үнэхээр догь. Үгээрээ бусдыг уярааж чаддаг залуусын араас гүйх бүсгүйчүүд цөөнгүй бөгөөд тэд ч энэхүү давуу чанараа ашиглаж, ямар ч бүсгүйг өөрийн болгох чадвартай юм. Тэдний царай төрх, бие хаа, түрүүвчний зузаан зэрэг ямар ч хамаагүй бөгөөд зөвхөн яриа, байдал нь халуухан, сэтгэл татам болгож харагдуулдаг. 

13 Цэвэр агаар сэнгэнүүлэх

Амнаасаа эвгүй үнэр ханхлуулсан эр бүсгүйчүүдэд сайхан сэтгэгдэл төрүүлж, дурлуулах нь бүү хэл харилцаа үүсгэхэд ч бэрх билээ. Харин амнаасаа цэвэр агаар сэнгэнүүлсэн залуус бүсгүйн сэтгэл, мэдрэмжийг удирдаж, зүрхийг нь булиглуулж байдаг юм. 

14 Зөөлөн ярих

Орилж, хагшичиж, романтик байдлыг үгүй хийх бус зөөлөн атлаа чин сэтгэлээсээ бүсгүйтэй ярилцах нь залууг халуухан харагдуулна. Удаан атлаа алгуурхан ярих нь бүсгүйн сэтгэлд хүрч, зүрхийг нь эзэмдэнэ. Залуу та ч бас оролдоод үзээрэй. 

15 Соёлтой байх

Бусадтай зөв, эелдэг даруу харилцдаг залуус сүүлийн үед улам олширсоор байгаа нь сайшаалтай билээ. Бүсгүй хүн бүрт өөртэй нь төдийгүй өрөөл бусадтай соёлтой харилцаж, суудал тавьж, хаалга онгойлгож өгөх залуус борхон зүрхийг нь булиглуулж орхидог байна. 

Та үүнтэй санал нэг байна уу?