1 Уурлах

Уурлах нь ихэвчлэн сэтгэл зовох, өвдөх, урам хугарахаас үүдэж гардаг сэтгэл хөдлөлийн нэг хэлбэр бөгөөд байнга уурлаж, бухимдах нь хүний эрүүл мэндэд сөрөг нөлөө үзүүлдэг байна. Уурлаж, бухимддаг хүмүүс нь зүрх судасны өвчин тусах магадлал харьцангуй өндөр байдаг ажээ. Энэ төрлийн хүмүүс нь сэтгэл хөдлөлөө илэрхийлэхдээ гартаа байгаа эд зүйлийг шидлэх юм уу, эсвэл ямар нэгэн эд хогшлыг цохиж, өшиглөдөг байна.

2 Санаа зовох

Үргэлж юм болгонд санаа зовох нь олон төрлийн өвчин тусах үндэс болж өгдөг байна. Түүгээр барахгүй гэдэс дотор болон дэлүүний үйл ажиллагаанд сөргөөр нөлөөлдөг болохыг эрдэмтэд олж тогтоожээ. Түүгээр барахгүй хэт залуудаа зүрхээр хатгуулан өвдөх, цусны даралттай болох магадлалтай байдаг аж.

3 Гуниглах

Гуниглах нь хүний эмзэг зан чанартай холбоотой байдаг байна. Энэ үед хэцүү санагдсанаас үүдэж, нулимс тань гарах гэж байгаа бол нулимсаа барилгүй, гаргах нь зөв ажээ. Ингэснээр сэтгэл онгойх ач холбогдолтой байдаг байна. Гунигт автдаг хүмүүс нь гол төлөв уушгины өвчтэй болох нь элбэг байдаг аж.

4 Стресстэх

Хүн болгоны стресстэх шалтгаан болон стрессээс ангижрах арга зам нь өөр өөр байдаг байна. Цаг ямагт стресстэж байдаг хүмүүсийн хувьд цусны даралт, багтраа өвчин, ходоодны шарх зэрэг өвчнөөр өвчлөх магадлалыг ихэсгэдэг ажээ.

5 Ганцаардах

Ганцаардах нь сэтгэл санааны хямралд оруулах бөгөөд ганцаардалд автсан хүмүүс ихэвчлэн мелинхолик зан чанартай болох магадлалтай байдаг байна. Түүгээр зогсохгүй стресстэх, сэтгэл санааны гутралд орох зэргээр хүний эрүүл мэндэд сөргөөр нөлөөлдөг байна.

6 Айж, эмээх

Айж, эмээх нь таны өөртөө итгэлтэй байдал, аз жаргал, баяр хөөрийг тань үлдэн хөөх бөгөөд биед хуримтлагдаад байсан эрч хүч бүхий энергийг үгүй хийдэг ажээ. Үргэлж айж, эмээснээр таны эд эрхтнээс бөөрөнд тань хамгийн ихээр аюул учруулдаг байна. 

7 Гайхшралд орох

Цочих, гэнэт гайхшралд орох зэрэг нь хүний эд эсийг сэргээдэг гэж ярьдаг ч, яг үнэндээ энэ нь хүний биед хэрэгтэй сэтгэл хөдлөлийн нэг хэлбэр биш юм. Бие организм дахь эд эрхтний үйл ажиллагааг доголдуулж, тэнцвэрт байдлыг алдагдахад хүргэдэг байна. Олон удаа цочисноор нойр хулжих, амархан дур тавих тохиолдол ч байдаг аж.

8 Үзэн ядах

Үзэн ядах нь цээжээр хөндүүрлүүлж өвтгөх, зүрх судасны өвчтэй болох үндсийг тавьдаг байна. Бусдыг үзэн ядах нь өөрийгөө стресстүүлж, амар тайван унтаж амрахад төвөг учруулдаг ажээ.

9 Атаархах

Тархинд тань аюул учруулдаг сэтгэл хөдлөлийн нэг хэлбэр бол бусдад атаархаж, хорсох явдал байдаг аж.  Стресстэх, цусны даралттай болох, хоол боловсруулах эрхтний тогтолцоо доголдох зэрэг сөрөг нөлөөтэй байдаг юмсанжээ.

10 Сэтгэл түгших

Сэтгэл түгших нь хэдийгээр байдаг зүйл ч гэлээ, амьсгаадах, зүрхний хэм алдагдах, тархин дахь цусан хангамж доройтох зэргээр хүний биед аюул учруулж байдаг байна. Эрдэмтэд сэтгэл түгших нь хүний сайхан сэтгэлтэй салшгүй холбоотой хэмээн үзэж байгаа аж.