1 Хувцасны цахилгаан гажих

Хэрвээ таны хувцасны цахилгаан гажиж, татагдахад хүндрэлтэй болсон бол хүүхэд багачуудын зургийн хэрэгсэл болсон, "Crayola" тосон харандаагаар цахилгааны замыг зураад үзээрэй. Цахилгаан гажихаа больж, илүү хялбар болсон байх болно.

2 Лимонтой ус

Хувцасны толбыг арилгахдаа, стакантай усанд хэдэн зүсэм нимбэг хийж, толботой хэсгээ үрж, хэсэг байлгаад хүйтэн бүлээвтэр усаар зайлах юм. Энэ нь толбыг ор мөргүй арилгахаас гадна хувцсанд шингэсэн эвгүй үнэрийг үлдэн хөөх аж. 

3 Дотуур хувцас угаах

Дотуур хувцсыг бусад хувцастай хамт угаах гэж байгаа бол жижиг торон уутыг ашиглаарай. Ингэснээр бусад хувцастай холилдож, бохирдохгүйн дээр нь ариун цэвэр талаасаа хэрэгтэй юм.

4 Цамцны уяа хийх

Хэрвээ малгайтай цамцны тань уяа суларч, мултран унасан бол энгийн нэгэн соруулыг ашиглаарай. Соруулан дотроо үдээсээ хийж, хялбархан хэвийн байдалд оруулах боломжтой.

5 Сүлбээрэн зүү ашиглах

Соруул байхгүй үед, сүлбээрэн зүүг ашиглан, хялбархан хийж болох юм. Тиймээс та өөрт аль болох ойр, хялбар санагдсан аргаараа туршаад үзээрэй.

6 Хувцасны бөөс цэвэрлэх

Ир нь мохсон нэг удаагийн сахлын татуургаар, хувцасны бөөс, бөөгнөрч муухай болсон хэсгийг цэвэрлэж болох юм. Тиймээс та хуучирч муудсан хувцсаа ийн янзлаарай. Танд таалагдах нь лавтай.

7 Салат холигч

Салат хутгагч савны тусламжтай угаасан, нойтон оймс, дотуур хувцсаа хормын дотор хатаах боломжтой ажээ. Туршаад үзээрэй...

8 Хар хувцасны өнгийг сэргээх

Бага зэрэг цагаан цуу байхад л гандаж, цайрсан хар хувцасны өнгийг сэргээж, хормын дотор өнгө оруулах болно. Хар хувцасны тухайд, өнгийг нь сэргээхэд, цагаан хувцаснаас ч хэцүү  шүү дээ.

9 Анхилуун үнэр шингээх

Хувцсандаа анхилуун сайхан үнэрийг шингээхийн тулд угаалгын машиндаа 12-15 дусал "лаванда" цэцгийн хандыг хийж өгөөрэй. Ингэснээр хувцас тань илүү анхилуун үнэртэй болж, үнэрээ удаан хадгалах болно.

10 Наалдсан бохийг цэвэрлэх

Санаандгүй байдлаар хувцсанд тань бохь наалдаж үлдсэн бол, хүйтэн мөсөөр хайраад үзээрэй. Наалдсан бохь, хормын дотор царцаж, хувцаснаас хялбархан салдаг байна.

11 Тосны толбо арилгах

Тосны толбыг арилгахын тулд, хүүхдийн нунтаг пудрыг ашиглаарай. Ингэхдээ тостой хэсэг дээрээ нунтаг пүдрээс цацаж хэсэг байлгана. Хормын төдийд л толбо арилдаг байна шүү.

12 Бэхний толбыг арилгах

Санаандгүй байдлаар хувцсаа бэхний толбо болгосон бол, та бидний мэдээлэлд анхаарлаа хандуулаарай. Учир нь бид та бүхэндээ арилгахад хэцүү бэхнийг толбыг арилгах хэрэгтэй зөвлөгөөг хүргэж байна. Үүний тулд толботой хэсэгдээ "гар ариутгагч санитол"-ыг дусааж 10 орчим минут хүлээгээрэй. Үүний дараа хүйтэн бүлэвгэр усаар угаах юм.

13 Өвсний ногоон

Жинсэн хувцас, цамцан дээр болсон өвсний толбо нь барагтай бол арилдаггүй. Харин үүнийг арилгахын тулд, та толботой хэсэгт устөрөгчийн хэт ислийг дусааж, хэсэг хүлээсний дараа савандаж угаагаарай.

14 Гутлын ул нөхөх

Хэрвээ гутлын ул тань цоорч муудсан бол түүнийг дугуй нөхөгчийн тусламжтай бүрж, дахин сэргээж болох юм. Ингэхдээ наалт сайтай цавууг ашиглан, цавууг хаттал хүлээх хэрэгтэй.

15 Гутлын эвгүй үнэрийг ашиглах

Гутланд шингэсэн таагүй үнэрийг арилгахын тулд гутландаа цайны ханд хийгээд хонуулаарай. Өглөө гэхэд таагүй үнэр арилсан байх болно.

16 Багадсан өмдийг нөхөх

Дуртай өмд тань багадсан бол жинсэн хувцасны өөдсөөр ийнхүү хялбархан нөхөх боломжтой юм. Ингэснээр та дахин шинэ өмд худалдан авах шаардлагагүй болох билээ.