1 Жулия Ормонд (Julia Ormond)

1994 онд жүжигчин Жулия Ормонд болон Брэд Питт нар хамтран "Legends of the Fall" кинонд тоглосон билээ. Тухайн үед тэд бие биедээ сэтгэл алдарч, кино зураг авалт өндөрлөсний дараа болзож эхэлсэн байдаг юм. Гэвч тэд өөрсдийн харилцаагаа ил болголгүй байсаар өндөрлөсөн бөгөөд Жулия нэгэн сэтгүүлд ярилцлага өгөхдөө Брэдийг үнэхээр гайхалтай сайхан залуу хэмээн магтсан удаатай аж. 

2 Синитта (Sinitta)

Нэрт дуучин бүсгүй 80-аад онд ид шуугиулж, олны нүдийг хужирлаж явсан билээ. Нэр алдар нь тэнгэрт мандаж байх үедээ тэрээр продюсер Саямон Ковелл (Simon Cowell)-ээс салсны дараа өөрөөсөө дүүмэд залуутай учир ургуулсан нь Брэд Питт байв. Тухайн үед Брэд хараахан нэрд гараагүй байсан бөгөөд Синиттатай болзох болсноор олны танил болж байсан гэдэг. Гэвч тэдний харилцаа удаан үргэлжлээгүй юм. 

3 Жульетт Льюис (Juliette Lewis)

1990 оны эхэн үед ердөө 17 настай охин өөрөөсөө 10 насаар ах жүжигчин залуутай үерхэж байна хэмээн хэл ам ихээр гарч байв. Гэвч тэд энэ бүгдийг үл тоон болзож байсан ч мөн л хоёр тийш болохоос өөр аргагүйд хүрсэн юм. Харин 2014 онд жүжигчин Жульетт Брэд Питтийн төрсөн өдрөөр түүнд зориулан мэндчилгээ дэвшүүлж, хуучны найзаас чинь хэмээсэн нь багагүй шуугиан тариад амжсан билээ. 

4 Жина Дэвис (Geena Davis)

Тэд "Thelma and Louise" кинонд хамтран тоглохдоо бие биедээ сэтгэл алдарч жил гаруй болзсон юм. Хосууд өөрсдийн харилцаагаа огт ил болгоогүй боловч эх сурвалжууд тэднийг их дотно харилцаатай гэдгийг баталж байсан гэдэг билээ. 

5 Жэлл Шойлен (Jill Schoelen)

1989 онд мөн л кинон дээр хамтарч ажилласнаар дотносон үерхсэн хосууд ердөө 3 сар болзосны эцэст сүй тавьж байсан гэдэг. Жэлл бол Брэд Питтийн хамгийн анхны бөгж бэлэглэсэн бүсгүй гэдгээрээ ч алдартай билээ. Гэвч тэдний сүй цуцлагдаж, хосууд салахад хүрсэн аж. 

6 Элизабет Дэйли (Elizabeth Daily)

Нэрт жүжигчин, гайхалтай дуу оруулагч бүсгүй мөн л Брэд Питтэй болзож явсан удаатай. Гэхдээ тэдний харилцаа удаан үргэлжлээгүй билээ. Мөн Брэд Питт Холливуудад хөл тавьсан цагаасаа л олон бүсгүйтэй нэр холбогдож, секс билэг тэмдэг гэгдэж явсан тул түүнд татгалзах бүсгүй гэж ганц ч байгаагүй гэдэг. 

7 Кристина Эпплгейт (Christina Applegate)

1989 онд Брэд Питт үзэсгэлэнт жүжигчин Кристина Эпплгейттэй болзож байсан юм. Брэд хараахан нэр алдарт гарч амжаагүй байсан бол эсрэгээрээ Кристина од болон гялалзаж байсан үе билээ. Гэвч Кристина Брэдийг орхиж, өөр залуутай болзох болсноор тэдний харилцаа өндөрлөсөн аж.

8 Клэр Форлани (Claire Forlani)

1998 онд тэднийг болзож байна гэх шуугиан дэгдэж, олныг алмайруулж байсан юм. Тухайн үед тэд хоёул алдар нэрд гарсан халуухан, залуухан хосууд байв. Хамтдаа гадуур зугаалж байгаа зургууд нь цацагдаж байсан ч тэдний хэн нь ч харилцаагаа ил болгохыг хүсээгүй билээ. 

9 Шэлейн МакКолл (Shalane McCall)

Шэлейн, Брэд Питтэй болзож эхлэхдээ дөнгөж 15-тай өсвөр насны охин байсан бөгөөд тэдний насны зөрүү арав гаран байсан нь олныг бухимдуулж байсан билээ. Олон нийтийн эсэргүүцэлтэй тулгарсан тэдний харилцаа ч удалгүй өндөрлөсөн юм. 

10 Робин Гивенс (Robin Givens)

80-аад оны сүүлчээр нэрт жүжигчин Робин Гивенс залуу жүжигчин Брэд Питтэй болзож байсан бөгөөд тэдний харилцаа бүтэн жилийн турш үргэлжилсэн байдаг юм. Робин алдарт боксчин Маяк Таясон (Mike Tyson)-той гэрлэх хүртлээ Брэдтэй холбоотой байсан гэх талаар Маяк Таясон дурдаж байсан удаатай билээ. 

11 Гвинет Пэлтроу (Gwyneth Paltrow)

1995 онд бүтээгдсэн "Seven" кинонд тоглох явцдаа бие биедээ дурлаж болзож эхэлсэн гэх бөгөөд тухайн үед Гвинет 22 настай байсан бол Брэд түүнээс 10 насаар ах байсан юм. Тэдний харилцаа 3 жил үргэлжилсэн бөгөөд сүй тавиад байсан ч Гвинет өөрийгөө хэт залуу байна, Брэд өөрт нь ахдана хэмээн үзэж хоёр тийш болсон байна. 

12 Катя фон Гарнье (Katja von Garnier)

Гвинетээс салсны дараа буюу 1997 онд Брэд Германы найруулагч Катятай болзож эхэлсэн аж. Тэднийг хүн бүр л гайхалтай зохицсон хосууд хэмээн ам уралдан магтаж байсан боловч мөн л таарч тохирохгүйн улмаар салахад хүрсэн юм . 

13 Деми Мур (Demi Moore)

Нэгэн үе эр хүн бүрийн мөрөөдөл, хүслэн болж явсан үзэсгэлэн төгс, халуухан бүсгүйтэй Брэд Питт нэр холбогдож, болзож явсан цаг саяхан. 90-ээд оны дундуур тэдний хамт дотно гэгч нь явж байгааг удаа дараа харсан хүмүүс олон байдаг боловч тэд хэзээ ч өөрсдийн харилцаагаа албан ёсоор зарлаагүй байдаг билээ. 

14 Женнифер Аннистон (Jennifer Aniston)

Үзэсгэлэнт жүжигчин бүсгүй бол Брэд Питтийн анхны гэргий нь билээ. Тэд 2000 онд гэр бүл болж, олон түмний хайр хүндэтгэлийг хүлээж байсан боловч 2005 онд хоёр тийш болж, тус тусын замаа хөөсөн юм. Тэдний харилцаа өндөрлөхөд маш олон үнэн, худал үгс тарж, Брэдийг эхнэрээ хуурсан тул салахад хүрсэн хэмээж байв. 

15 Тэнди Ньютон (Thandie Newton)

Тэдний болзож, үерхэж байсан нь тийм ч баттай бус юм. Ямартай ч тэдний хамтдаа их л дотно буй зургууд интернэтэд цацагдсан нь багагүй шуугиан дэгдээж байсан. Учир нь тухайн үед Брэд Питт гэргийтэй байсан бөгөөд түүнийг эхнэрээ хуурч, завхайрч явна хэмээж байсан билээ. Гэвч үүнийг нотлох баримт хомс тул шуугиан удалгүй намжсан байдаг аж.

16 Анжелина Жоли (Angelina Jolie)

Хосууд анх 2005 онд "Mr. and Mrs. Smith" кинонд хамтран тоглож танилцаад бие биедээ ухаангүй дурласан гэдэг билээ. Удалгүй Брэд эхнэрээсээ салж, тэд олон нийтэд харилцаагаа ил болгон аз жаргалтай амьдрах болсон юм. Хосууд олон жилийн турш хамт амьдарсан бөгөөд 2014 онд хуримаа хийж, албан ёсны эхнэр нөхөр болсон нь хүн бүрийн магнайг тэнийлгэасэн аж. Өдгөө тэд 6 хүүхдийн эцэг эх болж, өнөр өтгөн аз жаргалтай амьдарч яваа билээ. 

17 Селена Гомез (Selena Gomez)

Сонирхуулахад 2016 оны "Алтан бөмбөрцөг" кино наадмын үеэр Селена, Брэд хоёр их л дотно байж, тухлан ярилцаж байсан нь олны гайхшралыг төрүүлээд зогсохгүй эхнэр Анжелинагийн уурыг нь ч мөн хүргээд амжсан юм. Түүгээр ч зогсохгүй сэтгүүлчдийн хараанд өртөж, хэсэгтээ л дуулианыг тарьсан гэдэг шүү...