1
"Жаргалтай" өрөө
Англид алтан загасаараа алдартай "Happy Guest Lodge" хэмээх зочид буудал байдаг. Өрөө бүхэнд шилэн хорготой алтан загас байдаг бөгөөд энэ нь үйлчлүүлэгчдээ уйдаахгүй, ганцаардуулахгүй байх арга нь ажээ.
2
Дэрээр байлдах багц
"Ritz-Carlton" зочид буудалд ирсэн үйлчлүүлэгчдэд дэрээр байлдах тусгай хэрэгслүүд зардаг байна. 60 долларын үнэтэй энэхүү дэрний багцанд гэр бүлээрээ тоглож болох тоглоомууд, атласан материалтай дэр, хөгжилтэй дуутай CD зэргийг дагалдуулдаг.
3
Усны хувцасны автомат машин
Бэлэн мөнгөний машин, цай кофений машин л гэж сонсож байснаас усны хувцасны машин гэж огт сонсож байгаагүй юм байна шүү. Усны хувцсаа мартаж ирсэн үйлчлүүлэгчдэд зориулж Нью-Йоркын "Standart Hotel" зочид буудлынхан 75 долларын бикиниг худалдаалдаг аж.
4
Нохойны хичээл
"Loews Coronado Bay Resort & Spa"-ийн хамт олон нохойнд зориулсан серфингийн сургалт явуулдаг гэнэ шүү.
5
Үнэртэй усны захиалга
Далласт төвтэй "Rosewood Hotel"-ийн сүлжээ зочид буудлуудад "Hermes", "Chanel", "Gucci" зэрэг дэлхийд алдартай брэндүүдийн үнэртэй усны захиалгыг авдаг гэнэ. Хэрвээ хэн нэг үйлчлүүлэгч сайхан үнэртнээр биеэ гоёхыг хүсвэл үнэртэй усны зөөгчийг дуудахад л болох аж.
6
Шувуугаар сүйн бөгж хүргүүлэх
Ирландын "Ashford Castle" зочид буудалд тусгай шувуунуудыг хосуудын захиалгаар сүйн болон хуримын бөгж хүргүүлдэг ажээ.
7
Валентины өдрийг үзэн ядах өрөө
Ганц бие болон салалтыг даван туулж байгаа хүмүүст Гэгээн Валентины өдөр хамгийн хүндхэн өдрүүдийн нэг байдаг. Тэгвэл тэдний зовлонг ойлгож маш овжноор ашиглажээ. Зочид буудлынхан эхлээд тэдэнд хоёр хундага хатуухан ликёр санал болгоно, хэрвээ үйлчлүүлэгч ахиад жаахан саатахыг хүсвэл тэдэнд зориулан 24 цагийн насанд хүрэгчдийн кино үзэх үйлчилгээг бонус болгон бэлэглэдэг аж.
8
"Ажилтан"
Хурим, тэмдэглэлт баяр болон бусад бүхий л үйл ажиллагаануудыг хөгжилтэй болгох, уур амьсгалыг бүрдүүлж чадах хүн яалтчгүй хэрэгтэй байдаг шүү дээ. Тэгвэл Америкийн "Wild Dunes Resort" зочид буудалд яг ийм хошин шогийн өндөр мэдрэмжтэй, хэн ч харсан сэтгэл татагдахаар хүнийг санал болгодог гэнэ.
9
Хүчилтөрөгчийн аппарат
Агаарын бохирдол ихтэй улс орноос ирсэн, эсвэл өшөө илүү агаар амьсгалахыг хүсэж байгаа хүмүүст зориулан хувь хүний хүчилтөрөгчийн аппаратыг Бостоны "Revere Hotel" санал болгодог байна. Хачирхалтай биш гэж үү?
10
Робот ажилтан
Робот хэмээх зүйл ирээдүй цагийн төлөөлөл байхаа больж, өнөөдөр бодит амьдрал нэгэнт биелэлээ олжээ. Японы "Henn-na Hotel" зочид буудалд маш олон роботууд өрөөний захиалга авч, таны ачааг хүргэж өгч, цай кофе аягалж өгдөг гэнэ.
