Хонконгд амьдардаг 11 настай нэгэн охин (нэрээ нууцалсан) линз зүүдэг байжээ. Гэвч удалгүй түүний нүд аргаж загатнан, бүр сүүлдээ цустай нулимс гардаг болов. 

Эмчид үзүүлж, рентген зураг авахуултал нүднийх нь дээхэн талд нэгэн хатуу биет гацаж, бараг хараагүй болгох шахаад байжээ. Энэ нь түүний авахаа мартаад, гацааж орхисон нүдний линз байв. Хамгийн аймшигтай нь 2 жил гаруй ийм байдалтай явсан бөгөөд жаахан л цаг алдсан бол бүрэн хараагүй болох байсан гэнэ. 

Линзийг өдөрт хамгийн дээд талдаа 6-8 цаг л зүүх ёстой байдаг. Түүнчлэн зориулалтын бус шингэнээр чийглэх, бохир гараар барих, савыг нь солилгүй удах зэрэг нь нүдийг үрэвсүүлэх гол шалтгаан болдог аж. Гадуур зарагдаж байгаа линзнүүдийн хугацааг нэг жилээс, жил хагасын хугацаатай гэж хэлдэг ч Европын орнуудаар зарагддаг линзнүүдэд тийм их хугацаа байдаггүй байна. Тиймээс мэргэжлийн эмчийн зөвлөгөөний дагуу баталгаатай газраас, чанартай линз авахыг охид залуустаа зөвлөе!