Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
НВО телевизийн хамгийн амжилттай яваа цуврал "Хаадын тоглоом" буюу "Game of Thrones" цувралын шинэ бүлэг өчигдөр нээлтээ хийсэн билээ. Америкийн үзэгчид тус киноны хамгийн чухал гол дүрүүдийг жагсаасныг орчуулан хүргэж байна.
Хамгийн зальжин энэ эрхэм хотын бүх чимээг сонсдог, аливаа явуулгын дандаа ард нь байдаг, мөн Ханхүү Жоефрэйг хөнөөсөн гээд л гайхалтай сэргэлэн занг нь магтаад баршгүй боловч зөвхөн олзны төлөө явдаг учир манай талын хүн гэхэд бас хэцүүхэн. Старкийн хатан Кейтринд насны хайраа зориулдаг.
Эр хүний эсрэг итгэмээргүй чадлаараа тулалддаг энэ бүсгүй киноны бас нэгэн чухал дүр юм. Шударга үнэнчээрээ үзэгчдийг байлдан дагуулдаг энэ бүсгүй байгаагүй бол Жейни Ланестр магадгүй амь үрэгдэж, кино уйтгартай болох ч байсан юм билүү?
Өөрийн дүү Серсейтэй амраглаж дөнгөдөг уг залуу хааны алуурчин хэмээх нэр алдраараа гайхуулж явсан ч гараа алдаж чадал нь сулардаг. Ааваасаа хамгийн их айдаг боловч тэдний гэр бүл нэг цул байж чаддаг.
Нохой хочит энэ алуурчин адгийн шаар гэдэг нь ойлгомжтой. Гэхдээ дайн тулааны үед өөрийнхөө байранд байж чаддаг, юу хийхээ мэддэг эрэмгий чанараар нь авч үзвэл бас дажгүй ч байж магадгүй л юм.
Овгийн эх болсон энэ эмэгтэй хэдийгээр хорон санаат дайсны талыг илэрхийлдэг боловч үр хүүхдийнхээ төлөө, зорилгынхоо төлөө хэрхэн тэмцдэгийг, хүмүүсийн хооронд хэрхэн зөв хэлэлцээр байгуулж өөрийгөө хамгаалж чаддагыг үзэгчдэд харуулж чаддаг хүчтэй эмэгтэй мөн юм.
Серсей болон Жеймигийн үр удам энэ ханхүүг кинон дээр тодорхойлохдоо "Түүхэнд галзуу хаан байсан, зэрлэг ч хаан байсан. Харин энэ хүү галзуу, зэрлэг хаан болж байна" гэж хэдхэн үгээр маш оновчтойгоор тодорхойлсон байдаг. Цувралыг үзэх болгондоо хамгийн их үзэн ядах дуртай дүр гэж үзэгчид тодорхойлсон байна.
Цуврал эхлэхэд л Старкийн гэр бүлийн бутач хүү, Хадагтай Старкийн үзэн ядсан харцан дор амьдардаг уг хүү шөнийн харуул болж, зэрлэг охинд дурлаж байгаагаар гардаг. Гэвч тухайн гэр бүлийн хүү бутач байна уу гүй байна уу хамаагүй хүү л бол хүү тул өөрийн гэр бүлийн төлөө амьдрахаар шийднэ. Үзэгчдийн хамгийн их найдлага тавьдаг дүр.
Ухаантай сэргэлэн Аряа зэрлэг охины дүрд тоглох боловч гэр бүлээ гэх чин сэтгэл, хэзээ ч бууж өгөхгүй хатуу сэтгэлийг харуулж болдог.
Таргарияны удмын энэ бүсгүй луугийн эх бөгөөд өөрийнхөө ахыг устгаж, нөхрөө өөрийнхөө талд урвуулж, хаан ширээний төлөө ямар их хичээл зүтгэлтэй, мятрашгүйгээр тэмцэж байгаа талаар харуулдаг. Үзэсгэлэн гоо энэ бүсгүйн дүр гарснаас хойш хүүхэддээ Калисий гэдэг нэр өгөх тохиолдол Америкт олон гарчээ.
Хүний эвийг эвтэйхэн олдог, юмны учрыг нарийн мэддэг, биендээ зэвсэг байхгүй ч гэсэн тархиа зэвсэг болгохыг маш сайн мэддэг энэ сэргэлэн жижигхэн залуу тус цувралын хамгийн шилдэг гол дүр гэж тодорхойлогдсон байдаг. Хотыг хамгаалдаг түүний дайнд хэрхэн арга ухаан хэрэглэж байгаагаар уг дүрийг сайн харуулаад өгсөн байдаг шүү.
