Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
1. Сычуань мужын "Иргэний нисэхийн коллежи"-д суралцдаг оюутнууд маш хүнд бэлтгэл сургуулилтыг давснаар ийнхүү ирээдүйд онгоцны үйлчлэгч болон бэлтгэгддэг байна. Тэднийг ямар ч нөхцөлд онгоцны зорчигчдод инээмсэглэн үйлчилж сургах үүднээс бэлтгэлийнхээ туршид аманд нь модон савааг зуулгадаг ажээ. Түүнчлэн зөв цэх алхаж сурахын тулд толгой дээрээ сэтгүүл тавин унагахгүйгээр бэлтгэлээ хийдэг гэнэ.
![](../../../../downloads/images15/201601/hytado/01.jpg)
2. Энэхүү зурган дээр оюутнууд толгой дээрээ савтай ундааг тогтоож сурч байна. Ердийн ч нэг цэх биш, бүр тэв тэгшхэн, шугам шиг цэх зогсож сурах хүртлээ шилтэй ундааг толгой дээрээ тавин сургуулилт хийнэ.
![](../../../../downloads/images15/201601/hytado/02.jpg)
3. Дараагийн нэг сургалт бол өвдгөн завсраа A4-ийн хэмжээтэй нэг ширхэг бичгийн цаасыг хавчуулж унагалгүй зогсох хэрэгтэй. Үүнээс харахад Хятадад майга хөлтэй онгоцны үйлчлэгч ажиллах нөхцөлгүй бололтой шүү.
![](../../../../downloads/images15/201601/hytado/03.jpg)
4. Түүнчлэн тэд ангидаа хичээллэхдээ ч гэсэн дүрэмт хувцсаа зөв өмсөх тал дээр ихээхэн анхаардаг байна. Эрчүүд бүсгүйчүүдээс илүү онгоцны үйлчлэгч болох сонирхолтой ажээ.
![](../../../../downloads/images15/201601/hytado/04.jpg)
5. Тэд нислэгийн турш ийнхүү хөлөө сольбон, цэгцтэй суух шаардлагатай.
![](../../../../downloads/images15/201601/hytado/05.jpg)
6. Гоо үзэсгэлэн, цэмцгэр байдлаас гадна тэдний хамгийн чухал сурах зүйлүүдийн нэг бол бие хамгаалах урлаг юм.
![](../../../../downloads/images15/201601/hytado/06.jpg)
7. Учир нь онгоцонд ямарваа террорист халдлага гарах, ёс зүйгүй зорчигчоос биеэ хамгаалах, бусад зорчигчийн аюулгүй байдлыг сахин хамгаалахын тулд тэд “Кунгфу” болон “Таэквондо”- ийн тодорхой арга техникт бэлтгэгдсэн байх ёстой.
![](../../../../downloads/images15/201601/hytado/07.jpg)
8. Түүгээр ч зогсохгүй цэргийн анхан шатны бэлтгэлийг ч мөн хийдэг. Учир нь тэднийг учирч болзошгүй аюулд сэтгэлийн тэнхээтэй байж, түүнийгээ даван туулахад энэхүү бэлтгэл маш чухал үүрэгтэй.
![](../../../../downloads/images15/201601/hytado/08.jpg)
9. Цэргийн бэлтгэлийг бусдын л адил гадаа агаарт хийдэг. Учир нь ингэх нь тухайн хүнээс илүү их хүч хөдөлмөр гаргуулж, бэлтгэлийн чанарыг сайжруулдаг хэмээн үздэг ажээ.
![](../../../../downloads/images15/201601/hytado/09.jpg)
10. Таны харж байгаачлан, биендээ багтамгүй хүч чадалтай эдгээр охид шаазан тавгийг гараараа төвөггүйхэн цохин хагалж байгаа биз? Онгоцны үйлчлэгч гэдэг зүгээр ч нэг сайхан царайтай, инээмсэглэсэн бүсгүйчүүд байдаггүйг энэ бэлтгэлээс харж болно.
![](../../../../downloads/images15/201601/hytado/10.jpg)
11. Эдгээр сургуулилт, бие халаалтаа хийсний дараа үндсэн бэлтгэл болох гардан тулааны хөтөлбөр рүү шилжинэ.
![](../../../../downloads/images15/201601/hytado/11.jpg)
12. Тэдний ийнхүү хичээнгүйгээр бэлтгэлээ базааж байгаа нь цаанаа учиртай. 2013 оноос хойш онгоцны үйлчлэгчид танхай этгээдүүдийн халдлагад олноор өртөх болсон юм. Үүний нэгэн жишээг дурдвал 2013 оны 7-р сарын 18 ны өдөр 30 орчим зорчигчтой нисэх онгоцонд нэгэн гэмт этгээд халдаж, олон хүнийг бэртээжээ.
![](../../../../downloads/images15/201601/hytado/12.jpg)
13. Тэдний ажлыг амар хялбар аргаар мөнгө олох арга хэмээн боддог хүмүүс энэхүү мэдээллийг уншаад бодол нь өөрчлөгдсөн гэдэгт итгэлтэй байна.
![](../../../../downloads/images15/201601/hytado/13.jpg)
14. Үүргээ гүйцэтгэж байхдаа тэднийг асаалттай танк адил бүхий л зүйлд бэлэн байхыг сургадаг байна. Бэлтгэл сургуулилтын үр өгөөж тэдний бодит ажил дээрээс л шууд харагдана. Хэрвээ ажил олгогчдын санаанд нийцэхгүй бол чадвар муутай охидыг шууд л халж орхидог. Учир нь цаана нь мянга мянган охид хүсэл мөрөөдлөө биелүүлэхээр хүлээн сууж байгаа шүү дээ.
![](../../../../downloads/images15/201601/hytado/14.jpg)
15.
![](../../../../downloads/images15/201601/hytado/15.jpg)
16.
![](../../../../downloads/images15/201601/hytado/16.jpg)