“Данийн охин” кинонд эмэгтэй дүр бүтээсэн Эдди Рэдмаян гэж хэн бэ?

Английн жүжигчин Эдди Рэдмаян (Eddie Redmayne) 2014 онд нээлтээ хийсэн "Амьдралын теором" (The Theory of Everything) кинонд нэрт физикч, Стивен Хокинг (Stephen Hawking)-ийн дүрийг бүтээж, "Oscar"-аас шилдэг эрэгтэй жүжигчний шагналыг авсан билээ. Тэрээр алдарт найруулагч Том Хүүпэр (Тоm Hooper)-ийн шинэхэн уран бүтээл болох "Данийн охин" (The Danish Girl) кинонд хүйсээ сольсон залуугийн дүрийг бүтээж байгаа нь олон хүний сонирхлыг татаж байна.

Гэхдээ Эдди Рэдмаян уг дүрийг бүтээхийн тулд өөр нэгэн найруулагчаас тусламж хүссэн нь "Jupiter Ascending" киноны найруулагч Лана Вачовский (Lana Wachowski) бөгөөд кино урлагийн салбар дахь хамгийн нэр нөлөө бүхий трансжендер (хүйсээ сольсон) хүн юм. Тэрээр Эддигийн дүр бүтээж буй "Лили Элбэ" хэмээх түүхэн дэх анхны трансжендер хүнийг хэрхэн жүжигчлэлтээрээ зөв гаргаж өгөх талаар зөвлөгөө өгсөн байна.

Лана Вачовский нь өөрийн дүү Анди Вачовский (Andy Wachowski)-ийн хамт "Матрикс" гурвалын зохиолыг бичиж найруулснаараа нэр алдрын оргилд хүрсэн билээ. Тэрээр 2000 оны эхээр хүйс солих хагалгааанд орсон юм байна.

"Данийн охин" (The Danish Girl) кино ерөнхийдөө Эллэгийн туулж буй амьдралыг харуулах бөгөөд эхнэрийнхээ дэмжлэгтэйгээр хүйс солих хагалгаанд орж амжилттай болсон анхны хүн болох Данийн алдарт зураач "Einar Wegener"-ийн бодит амьдралаас сэдэвлэн хийжээ.

“Би Ланатай дүр бүтээж буй Лилигийн тухай ярилцсан бөгөөд тэр надад эрэгтэй хүнээс эмэгтэй хүн болоход ямар зүйлс даван туулж, юуг мэдэрдэг тухай бүгдийг ойлгуулж өгсөн” хэмээн Эдди хэлжээ.