1. Их ус уух хэрэгтэй
Хүн өдөрт 2 литр ус уух ёстой. Гэхдээ зуны улиралд жирийн үеийнхээс илүү ихийг уух хэрэгтэй шүү. Учир нь өдөр бүр ус уудаг хүмүүс бусдаас бага халууцдаг гэнэ. Мөн дасгал, хөдөлгөөн хийсний дараа ус ууж хэвших нь таныг турахад туслана.
2. Та хөлөрдөг үү?
Хүмүүсийг хөлөрдөг эсвэл хөлөрдөггүй гэж хоёр ангилдаг. Заримдаа та халууцаад л, хөлрөөд явахад хамт явж буй хүн чинь хөлрөх ч үгүй байх тохиолдол байдаг уу? Энэ нь хувцасны материалаас хамааралтай бөгөөд даавуун эсвэл торонг сонгож өмсвөл таны арьс амьсгалах болно. Ингэснээр хөлрөх болон халууцах мэдрэмж бага мэдрэгддэг байна. Харин жинс эсвэл арьсан хувцас танд улам тав тухгүй мэдрэмж төрүүлнэ.
3. Гэртээ агааржуулагч хийх арга
Хэрвээ та үнэтэй агааржуулагч авч чадахгүй бол хөөсөнцөрийг цоолоод дээр нь сэнс үлээлгээрэй. Ингэснээр хүйтэн агаар гэрт жигд тарах болно.
4. Сэнсээ зөв газар байрлуулах
Таазан дээр эсвэл газар сэнс тавих нь хүчтэй үлээхээс биш, хангалттай сэрүүцүүлж чаддаггүй байна. Тиймээс цонх руу сэнснийхээ ар талыг харуулаад үлээлгээрэй.
5. Халуун хоол аль болох бага хэрэглэх
Зуны улиралд гадаа шорлог хийж идэх шиг сайхан зүйл үгүй. Харин гэр дотроо халуун шөл эсвэл хүнд төрлийн хоол идэх нь тийм ч тохиромжгүй ажээ. Учир нь гал тогоонд чанагдаж эсвэл шарж буй хоолны халуун агаар таныг улам бүгчимдүүлэх болно.
6. Дасгал хөдөлгөөнөө больж болохгүй
Хүмүүс зуны улиралд улам халууцна хэмээн бодож дасгал хөдөлгөөн хийхээс татгалздаг. Гэвч энэ нь тийм биш ажээ. Та дасгал хийснийхээ дараа хүйтэн усанд орж болно. Ихэнхи тамирчид хөлөрснийхөө дараа хүйтэн усанд ордог зуршилтай бөгөөд энэ нь улам хурдан турахад тусладаг гэнэ.
7. Цонх
Хэрвээ танай цонхоор зуны нар тусдаг бол өглөөнөөс эхлүүлээд нар жаргах хүртэл цонх болон хөшгөө хаагаарай. Ингэснээр танай гэр доторх хүйтэн болох болно. Харин шөнөдөө цонхоо онгойлгож унтаарай.
8. Хэрхэн машинаа сэрүүцүүлэх вэ?
Та бүх цонхоо хааж сэнсээ үлээлгэх эсвэл хаалгаа бүгдийг нь нээх гэх мэт янз бүрээр туршиж үзсэн үү? Гэсэн ч сэрүүн болдоггүй биз дээ. Тэгвэл Япончуудын гаргасан нэгэн сонирхолтой арга нь бүх цонхоо нээгээд зөвхөн жолоочийн талын хаалгаа 5-аас дээш удаа онгойлгож хаах юм байна.
9. Шөнө нойр чинь хүрэхгүй байна уу?
Хүмүүс зуны улиралд нойргүйдэх нь их байдаг байна. Учир нь халууцсанаас болж унтаж чаддаггүй ажээ. Тиймээс хүйтэн усанд ороод унтах эсвэл дэрэн доороо хөлдөөсөн савтай ус тавиад унтаарай.
10. Биеийн аль хэсэгтээ хүйтэн жин тавих вэ?
Та доорх зурагт заасан цэгүүдэд хүйтэн алчуур эсвэл мөс тавьснаар хурдан хугацаанд сэрүүцэх болно.
