Дэлхийн хамгийн царай муутай эр хуримаа хийжээ

47 настай Угандагийн иргэн, гуталчин Годфри Багума (Godfrey Baguma)-г “Угандагийн хамгийн аймшигтай хүн” гэдэг бөгөөд тэрээр 8 хүүхдийн аав болжээ. 2002 онд тэр гэр бүлээ тэжээхийн тулд нэгэн тэмцээнд оролцсон бөгөөд энэ үеэр “Угандагийн хамгийн аймшигтай хүн” нэрийг зүүсэн байна.

47 настай Годфри нь нэр нь үл мэдэгдэх өвчнөөр өвчилснөөс болж нүүр нь хавдсан байна. Годфри болон түүний 30 настай эхнэр Кейт (Kate Godfrey) саяхан гэр бүл болсон бөгөөд Кейттэй гэрлэхийн өмнө тэрээр эхнэртэй байжээ. Өмнөх эхнэрээсээ 2 хүүхэдтэй гэнэ. Голдфри хэлэхдээ “Би өнгөрсөн хугацаанд Кейтийн нөхөр хэн болохыг хүмүүст мэдэгдэхийг хүсээгүй юм. Учир нь хэн нэгэн мэдсэн бол мэдээж надаас салах зөвлөгөөг өгөх байсан биз” хэмээн хэлсэн байна.

Кейт болон Годфри нарын анхны хүүхэд 2008 онд төрсөн бөгөөд 5 жилийн дараа нь тэд гэрлэлтээ батлуулж одоогийн байдлаар 6 хүүхэдтэй болсон гэнэ. Тэрээр Кейтд хэлэхдээ: “Би өөрийнхөө гадаад төрхийг сонгож төрөөгүй. Хэрвээ би чамд төвөг учруулж байвал надаас салж болно” гэжээ.

“Хэрвээ та өөрийнхөө хүнийг олсон бол хэн ч, юу ч гэж байсан түүнээс битгий холдоорой. Зүрхээ чагна. Мөнгө болон гадаад төрх саад болох ёсгүй” гэж Кейт хэлсэн бөгөөд одоо Годфри "Ssebabi" хэмээх нэрээр алдартай болж дуу дуулж , хошин шогчийн үзүүлбэр үзүүлж орлого олдог байна.