Наадмын бэлтгэл ажил эхэлсэнтэй холбоотойгоор наадам зохиогдох талбайд байршуулах Монголынхоо өв соёлыг шингээсэн, хаягдал материал ашиглан бүтээх боломжтой угсармал бүтээлийн дизайныг гаргах нээлттэй уралдаан зарлагдаад байна. Уралдаанд оролцох бүтээлийн загвар нь өнгө үзэмжтэй, материал бага шаардах энгийн хийцтэй байх шаардлагыг тавьж байгаа бөгөөд уралдаанд оролцогч нь бүтээлийнхээ зураг, дүрслэл бүхий санаагаа 5-р сарын 22-ны 18:00 цагаас өмнө marketing@genco-tour.mn хаягаар ирүүлнэ үү.

Шалгарсан нэг оролцогч Женко Тур Бюро компанийн гадаадад аялах эрхийн эзэн болох бөгөөд өөрийн гаргасан дизайны дагуу бүтээлээ биетээр урлах, угсрах ажилд тус компанийн зүгээс материал, хүн хүчээр хангах боломжтой.

Эрхэм дизайнер, уран бүтээлчид та бүхэн уралдаанд оролцсоноор Hunnu Music Festival-г зорин ирэх мянга мянган оролцогчдод өөрийн бүтээлийг хүргэх боломж бүрдэхээс гадна гадаад дотоодын хэвлэл мэдээллээр сурталчлагдах боломжтой болох тул энэхүү уралдаанд идэвхитэй, амжилттай оролцохыг хүсье.