Хог хаягдлаар бизнес хийсэн залуу

Энэтхэгийн далайн эрэг дээр маш олон тооны төрөл бүрийн өнгө, хэлбэр хэв маягтай углаашны хаягдал байдаг байна. Энэ хог нь задардаггүй учир далайн эргийн ойролцоо тонн тонноор хадгалагдан үлдэж хүмүүст төдийгүй, амьтдад нэлээд саад болдог ажээ. Харин Кенийн иргэн Жули Черч (Julie Church) энэ асуудлыг шийдвэрлэх аргыг олсон бөгөөд тэрээр эдгээр хаягдлуудыг цуглуулж хүүхдийн тоглоом хийдэг байна.

“Ocean Sole” хэмээх компанийг байгуулснаар Жули Энэтхэгийн далай эргийн аврагч болсон юм.

www.caak.mn

1999 онд Жули Кенийн зэрлэг байгаль хамгаалах нийгэмлэг болох WMF ажиллаж байсан бөгөөд хүүхдүүд хогоор завь урлаж байхыг харсан байна. Энэ үед түүний толгойд энэ шинэлэг санаа орж ирсэн аж. Ингээд тэрээр өөрийн санг байгуулж, сайн дурын ажилчдыг өөртөө татаж эхэлжээ. Эхэндээ энэ ажиллагаа ямар ч ашиг авчрахгүй байсан гэнэ. Харин дараа нь тоглоомны борлуулалт ихсэж, орлого нь зарлагаа давах болжээ. Ашигаараа тэрээр сурталчилгаа хийх болсон байна.

WMF сангийнхан л гэхэд углаашаар хийсэн түлхүүрийн оосор захиалж, Жулигийн эко бизнесийг сурталчилах болжээ. 2008 онд Жули найзынхаа хамтаар аварга анаашийг хийж Ромын үзэсгэлэнд оролцсон байна. Тоглоомуудыг нь Энэтхэг, Кени, Япон, АНУ зэрэг орнууд худалдан авдаг болжээ. Жилийн туршид 400 тонн углаашийг дахин боловсруулжээ.