Хонконгийн тэнгэр багнадсан барилгууд

Хонконг (Hong Kong) нь Ази дахь Дэлхийн санхүүгийн томоохон төв хот бөгөөд БНХАУ-ын тусгай захиргааны хоёр бүсийн нэг (нөгөө нь Макао) юм. Хонконгт 8000 гаруй өндөр барилгууд, 1300 гаруй тэнгэр баганадсан барилгууд бий. Хамгийн өндөр барилгатай орнуудын жагсаалтанд Хонконг тэргүүн байр эзэлдэг бөгөөд Нью-Йорк, Сингапур, Чикаго, Дубай зэргийг ардаа орхидог байна.

Хонконгийн хамгийн өндөр барилга нь 118 давхар бөгөөд энэ нь Олон Улсын худалдааны төв юм байна. Талбайн хязгаарлагдмал, барилга барихад тохиромжтой талбайтай гэх мэт хүчин зүйлүүдээс болоод Хонконг дэлхийн хамгийн олон өндөр барилгатай газар болжээ. 1970 оноос хойш Хонконгт өндөр барилгууд ихээр баригдах болсон бөгөөд 1980-1993 оны хооронд барилга байгууламж эрчимтэй хөгжсөн түүхтэй.

1990 оноос дахин ээлжит өндөр барилгууд барих ажил эрчимжсэн байна. 2000-2008 оны хооронд буюу 8 жилийн дотор 200 метрээс өндөр 38 барилга баригджээ. Сонирхуулахад, архитектор Норман Фостер 1935 онд Хонконгийн хамгийн анхны өндөр барилга болох 13 давхар барилгын зураг төслийг гаргаж байжээ.

1995 онд суурь нь тавигдаж, 1998 онд дууссан "The Center" барилга нь Хонконгийн 73 давхар тэнгэр баганадсан барилгуудын нүүр царай болж байжээ. Тухайн үедээ өндрөөрөө дэлхийд 5-д бичигдэж байсан. 1998 онд Хонконгийн нисэх буудал үйл ажиллагаагаа эхлэж тээврийн болон нислэгийн томоохон зангилаа болж өгчээ. 2007 оны байдлаар Хонконгийн Олон Улсын нисэх буудал 47.8 сая зорчигч, 3.74 сая тонн ачааг тээвэрлэсэн байна. Одоо энэ тоо эрс өссөн биз ээ.

118 давхар тэнгэр баганадсан "International Commerce Centre" барилгын 100-р давхраас харагдаж буй Хонконгийн өнгө төрх.

www.caak.mn