Ирэх сарын 4-нд Казахстан улсад мянган ширхэг зарагдах уг утас Монголд мөн л тоотой ирсэн байна. Тодруулбал, PREMIUM ангиллын LIMITED EDITION хувилбарыг худалдах эрхийг Скайтел групп авч чадсан бөгөөд хэрэглээ, сонголтоороо ялгарах эрмэлзлэл бүхий 300 Монгол хэрэглэгчид бүтээгдэхүүн очно. Сонирхож судалсаны хувьд хэлэхэд limited edition загварууд зөвхөн байгууллагаас байгууллагын хооронд байгуулагдсан онцгой харилцааны гэрээнд үндэслэн худалдаанд гардаг учраас гадуур төдийлөн үзэгдэхгүй. Өөрөөр хэлбэл өнөөдөрхөн Монголд нээлтээ хийсэн утас маргааш нь ченжийн гар дээр харагддаг сэтгэл дундуур байдлыг мартаж болох нь ээ. Доорх зурагт манай улсад худалдаалах Limited Edition тамга байгааг харна уу.

Шинэхэн утасны сав баглааг задлахад ямар мэдрэмж төрөхийг товчхон хуваалцъя. “Galaxy Alpha” нь гоёмсог, өнгөлөг гадаргуутай, металл хүрээтэй. Өнгөний олон сонголтойгоос гадна өдийг хүртэл худалдаанд гарсан утаснуудтай харьцуулахад хамгийн нимгэн болж чаджээ. Мөн 4.7 инчийн хэмжээтэй “HD Super AMOLED” дэлгэц нь өнгө дүрсний ялгарлыг маш сайн илэрхийлж чадах юм. Энэ утгаараа гар утасны зах зээл дэх хамгийн сүүлийн үеийн загварууд дундаа томоохон өрсөлдөгч брэнд болж чадаж байна. Мэдээж тансаг сонголт, хэрэглээг дагаж ирэх давуу тал бий гэдгийг дуулгамаар байна. Учир нь энэ утсыг сонгосон 300 хэрэглэгч гар утсаа авахад, дагалдах хэрэгсэл бүхий хайрцагт нь ус, чийг, доргилтоос үүдэлтэй гэмтлийг бүтэн жилийн баталгаат хугацаанд нь засварлах эрхийн VIP карт, мөн утасны хүчирхэг батерейг нь хаана ч зогсоохгүй байх нэмэлт батерей банк багтжээ.

Эцэст нь дэлхийн нээлтийн тухай илүү дэлгэрэнгүйг маргааш та бүхэнд сурвалжлан хүргэх болно. Энэ бол Скайтел группийн 15 жилийн ойн хүрээнд хэрэглэгчиддээ барьж буй олон бэлгүүдийн нэг юм.

Төв Азидаа хамгийн түрүүнд Монголд албан ёсны нээлтийн ажиллагаа болно. Дэлхийн нээлтийн гэрч болоход би бэлэн. Харин та бэлэн үү?...