CES 2014 олон улсын үзэсгэлэн дээр шинэ бүтээгдэхүүнүүдийг танилцуулсны дараа энэ онд та бид өмнө нь үзэгдээгүй өндөр чанарын дүрс бүхий шинэ зурагт болон Интернет технологийн хэрэглээний асар их өсөлтийн хэрэглэгчид болно гэдэг нь ойлгомжтой болсон юм. Хэрэглэгч өөрийн зурагттай  харьцах харьцааг хялбар бас оновчтой болгосон webOS шинэ платформ нь LG-ийн Smart цуврал зурагтуудын  ялгагдах онцлог юм. Энд үйлдлийн системийг цоо шинээр авч үзэх тухай яригдаж байна. Эхний ээлжинд энэ нь агуулгатай хамаатай юм. Платформ хэрэглэгчдэд ойр бас энгийн байх тусам тусгаар зохион бүтээгчдэд зөвхөн өөрийн гэсэн агуулгыг зохион бүтээх боломж их байна. Шинэ платформ нь программуудыг хурдан бас хялбар аргаар зохиох боломжийг өгдөг бөгөөд LG-ийн 2014 оны телевизоруудын том дэлгэцийг төрөл бүрийн тоглоом, программуудаар дүүргэж болох юм. Шинэ бүтээгдэхүүн нь бусад төхөөрөмжүүдтэй хамтран ажиллах уян системээрээ бас ялгагддаг.

Телевизорын шинэ боломжуудыг өөрийн болгож, ажиллуулж сурахад BeanBird нэртэй анимацийн “шувуу” танд тусална. webOS суурьтай LG-ийн зурагтыг хэрэглэгч анх удаа асаахад тэрээр дэлгэцэн дээр гарч ирнэ. Хэрэв түүнээс зөвлөгөө авах хэрэг гарвал, Magic Remote удирдлагыг сэгсрэх эсвэл OK товчийг дарахад л хангалттай юм. webOS-ийн бас нэг онцлог шинж нь эхлэлийн шинэ панелийг (Launcher) үүсгэсэнд оршино. Энэхүү панель нь ТВ үзэх горим, Smart TV-ийн агуулга болон гадаад төхөөрөмж дээрх медиа файлуудын хооронд үндсэн панель уруу буцалгүйгээр шилжих боломжийг нээж өгдөг. Хэрэглэгчид үйлчилгээнүүдийн хооронд хойш, урагш илүү хялбараар шилжиж чадахаас гадна дэлгэцүүдийн хоорондох шилжилт нь илүү хурдан болсон. График интерфейст багагүй өөрчлөлт орсон бөгөөд тод, өнгөлөг бас хэрэглэгчдэд илүү ойр болсон. Тухайлбал, онлайн видео, дотоод медиа файл, эфирийн нэвтрүүлэг , тоглоом тоглуулагч, бас Netflix, Hulu Plus, YouTube, CinemaNow, Skype, Facebook, Instagram, Pandora, Amazon болон бусад үйлчилгээний агуулгын бүх үүсгүүрүүдийн байрлал нь өнгөт хавчуулгуудаас тогтсон байна.

Хэрэглэгчдийн олон жилийн туршлага дээр үндэслэн хэрэглэгчийн интерфейсийг шинэчилсэн нь Smart TV-ийн платформыг хялбар бас хандахад хурдан болгосон. Үүнээс гадна зохион бүтээгчид “Өнөөдөр” (Today menu) гэсэн оригиналь цэс хийсэн бөгөөд энэ нь түгээмэл телесериалууд, бүрэн хэмжээний уран сайхны кино болон үзээгүй өнгөрөөсөн нэвртүүлэгүүд санал болгодог нэгдсэн үйлчилгээ юм.

Шинэ платформ нь LG Smart World, LG Game World болон LG 3D World гэх мэт урьд нь байсан программуудыг бас дэмждэг. Энэхүү платформын код нээлттэй учраас агуулга нь ойрын жилүүдэд мэдэгдэхүйц нэмэгдэн, бид орчин үеийн зурагтын шинэ бас сонирхолтой шийдлүүдийг нүдээрээ үзэгсэд болох юм. Жишээлбэл, Например, Skype камерын дэмжлэг, дуу болон дохионы командын дэмжлэг нь сонирхолтой интерактив программуудыг зохиоход туслаад зогсохгүй, ажлыг хялбарчилж, бие даан боловсрол эзэмших боломжийг ч нээх юм.

# # #

LG Electronics, Inc (KSE: 066570.KS) компани нь гэр ахуйн техник, хөдөлгөөнт холбоо болон хэрэглэгчийн электроникийн зах зээл дээрх инновацийн технологийн зохион бүтээгч бөгөөд дэлхийн лидер мөн. LG компани нь  дэлхий даяар нийт 113 офис, 87000 ажиллагсадтай. LG-ийн нийт худалдааны эзлэхүүн нь 2013 онд 53.10 тэрбум ам.доллар байсан (58.14 их наяд солонгос вон) юм. LG компани нь Home Entertainment, Mobile Communications, Home Appliance, Air Conditioning, Energy Solution ба Vehicle Components гэсэн таван салбартай бөгөөд хөргөгч, угаалгын машин, агааржуулагч, холбооны төхөөрөмжүүд болон LED телевизорын үйлдвэрлэлээр дэлхийд тэргүүлэгчдийн нэг юм. LG Electronics нь ENERGY STAR ®-ийн 2012 оны Түнш байгууллага юм. LG Electronics компаний талаар нэмэлт мэдээ, мэдээллийг авахыг хүсвэл www.LG.сom хуудсанд зочлоорой.

LG Electronics Home Appliance компании нь гэр ахуйн техникийн салбарт экологид ээлтэй, инновацийн ба дэгжин бүтээгдэхүүнийг санал болгогч шинийг сэдэгч юм. Хөргөч, угаалгын болон аяга таваг угаах машин, гал тогооны техник ба тоос сорогчууд нь үүнд орно. LG-ийн ахуйн хэрэгслүүдийг удирдахад хялбар. Компани нь технологио байнга сайжруулж, дэлхийд анхны интерактив хөргөгч эсвэл уурын угаалгын машин гэх мэт гайхалтай гэр ахуйн техникийг бүтээдэг. Инновацийн тусламжтайгаар LG компани гэр ахуйн техникийн салбарт шинэ зүй тогтлыг үүсгэж, дэлхийд тэргүүлэх өөрийн байраа бэхжүүлсээр байна.

LG интернетэд:
http://www.facebook.com/LGElectronicsMongolia