Их хотынхныг хөгжөөсөн “Hollywood Монголд”

Харилцаа, хамтын ажиллагаагаа өргөжүүлэн үйлчилгээгээ сайжруулж байгаагаа хэрэглэгчидтэйгээ тэмдэглэн өнгөрүүлдэг соёлыг ямагт анхдагч байдаг Юнител группын Юнивишн компани нэвтрүүлсэн билээ. Онцлож хэлвэл “HOLLYWOOD МОНГОЛД” хөтөлбөр юм. Тэгвэл тэд энэ жил 20th Century Fox, Sony Pictures Entertainment болон Солонгосын CJEntertainment студиудтэй албан ёсоор хамтран ажиллахаар болсон бөгөөд мөн л энэ сайхан баярт мэдээгээ хэрэглэгчидтэйгээ өнгөрсөн Бямба гаригт тэмдэглэн өнгөрүүллээ.

Сэнтрал Тауэрын цэцэрлэгт хүрээлэнг Юнителийн хамт олон их л сонирхолтой тохижуулж, эцэг, эхчүүд ч бяцхан үрсээ хамгийн дэгжин хувцаслан гэр бүлээрээ сэтгэл гарган ирсэн нь 6-р сарын 1-ний өдөр үү? гэх сэтгэгдлийг төрүүлж байсан юм.

Арга хэмжээний үйл явдлыг хураангуйлан хэлвэл Холливудын шилдэг киноны баатрууд амилж, 600 хүний суудалтай задгай кино театрыг тусгайлан засаж, Frozen, Iron man 3 кинонуудыг дэлгэцнээ гаргаж, ирсэн зочдоо амтат поп корн, кока кола ундаагаар дайлан наадаг зураг авахуулах, асуултанд хариулж азтан болох боломжтой тусгай автомат машинуудыг ажиллуулан амралтын нэг өдөр их хотын хүмүүсд гэнэтийн бэлэг барьсан сайхан үйл явдал боллоо.

Сэнтрал Тауэрын гадна талбайд байрласан Холливудын шилдэг киноны баатрууд 6-р сарын 9-ыг хүртэл байх юм билээ. Тиймээс эцэг, эхчүүд та бүхэн хүүхдүүдтэйгээ ирж, баатруудтай хамт зургаа авахуулах боломжийг бүү алдаарай.

“Hollywood Монголд” хөтөлбөр үргэлжилсээр ...