12 настай ах дүүсийг бэлхүүсээр нь салгах хагалгаа хийж болно хэмээн эмч нар мэдээлэхэд эцэг эх нь татгалзсан байна.
Райпур хотоос холгүй орших нэгэн тосгонд төрсөн ах дүүс 4 гар, 2 хөлтэй аж. Тэд өөрсдөө усанд орж, хувцасаа өмсөж, хоолоо идэж чаддаг нь эмч нарын гайхшралыг төрүүлж байгаа аж. Ах дүүс нэг ходоодтой боловч тусдаа зүрх болон уушгитай учир ийнхүү салгахад асуудал гарахгүй юм байна.
Ихрүүдийн нэг болох Шиванатх хэлэхдээ: "Бид бүхнийг хийж сурсан бөгөөд сургуульдаа дугуйгаар хүрч, крикет тоглодог" -гэжээ. Үүнээс гадна тэд сурлагандаа маш сайн учир сургуулийнхаа хамгийн шилдэг сурагчдын тоонд багтаж эцэг Ражи Кумарагийнхаа бахархал нь болж байгаа гэнэ.
“Хүмүүс манай хүүхдүүд рүү гайхсан харцаар хардаг. Тэд бэрхшээл бүрийг шантралгүй даван туулж байгаа” -хэмээн аав Ражи ярьсан байна.
Шиванатх болон Шиврам Саху нарын эцэг хэзээ ч хүүхдээ салгуулахгүй гэнэ. Бурхан тэднийг ийм байх ёстой хэмээн үзсэн учир тэд байгаагаараа үлдэх болно гэж хөвгүүдийн эцэг хэлжээ.
