Монголчууд бидэнд шинэ технологийг нэгээр нэмсэн бүрэн автомат, олон улсын стандартад нийцсэн “Шинэ Толгойт”  агуулах дээр галын аюулгүй ажиллагааны сургалтыг тус компани Нийслэлийн Онцгой байдлын газрын гал унтраах ангийн бүрэлдэхүүнтэй хамтран зохион байгуулсан байна.

Сургалтыг танхимын болон дадлага сургуулилал хосолсон цогц хэлбэрээр зохион байгуулсан аж.

Тухайлбал, шатахуун тээврийн хэрэгсэл агуулахад нэвтрэхэд шалгах үйл ажиллагаанаас эхлээд ослын мэдээлэл хүргэх, барагдуулах, осолд дөхсөн тохиолдол, ослоос урьдчилан сэргийлэх болон таслан зогсоох арга хэмжээ, гал унтраах болон гамшигаас хамгаалах сайн дурын бүлгэмийн гишүүдийн үүрэг, гал унтраах туслах үйл ажиллагаа, газрын тосны бүтээгдэхүүний саванд гарсан гал түймрийг унтраах тактик, тархалтын сургууль зэрэг галын ажиллагаатай холбоотой цогц сургалтыг хийж байна.

Мөн энэ үеэр агуулахын галаас хамгаалах усан сан, хөөсний системийг ажиллуулах болон гамшиг, гал түймрийн голомтод байрлах ажилтнуудыг аврах сургуулилалтыг хийжээ.

Агуулах нь нийт 44 мянган метр куб багтаамжтай бөгөөд энэхүү агуулахад таван сая литр багтаамжтай галаас хамгаалах усан сан, долоон мянган литрийн багтаамжтай гал унтраах хөөсийг байрлуулсан нь галын аюулгүй ажиллагааг онцгой анхаарсан  шийдэл аж.