Скайтелийн супер азтанууд “Чежү”- д амарлаа

“Скайтел” группээс зохион байгуулж буй 21 аймгаас 6300 азтан шалгаруулах сугалаат аяны хоёр дахь ээлжийн 21 супер азтан хосын хамт Чежү арал дээр амраад ирлээ.

Супер азтанууд өөрийн хосын хамт нийт 42 хүн болон аялалыг зохион байгуулагчдын зүгээс бүрдсэн баг энэ сарын 22-ны өглөө Солонгосын үзэсгэлэнт Чежү арлыг зорьсон юм. Монгол орны 21 аймгийн төлөөллөөс бүрдсэн тус аялалын баг үзэж харах зүйл олонтой, адал явдал дүүрэн сонирхолтой таван өдрийг өнгөрөөлөө.

Анх биесээ огт танихгүй онгоцонд сууж байсан азтанууд маань уйдах завгүй аялах хугацаандаа байгалийн сайханд зугаалж, дурсамж хадгалах зураг авахуулан, дуу хуур, инээд хөөр дүүрэн хөгжилтэй цаг мөчүүдийг хамтдаа өнгөрөөж, хэдийнээ дотно сайн нөхөд бололцсон бөгөөд нутаг буцах үедээ бие биедээ хоргодон, дахин уулзахын ерөөл тавьж байсан юм.

Мөн супер азтанууд маань Скайтел Группээс санаачлан хэрэгжүүлж буй энэхүү урамшуулалт аян үнэн бодитой, шударга явагдаж байгаад баяртай байгаагаа илэрхийлж, тус хамт олонд талархалаа илэрхийлж байв.

Урамшуулалт аяны дараагийн азтанууд 6 дугаар сарын 28-ны өдөр тодрох тул та бүхэн идэвхтэй оролцож, Скайтелийн супер азтануудын нэг болоорой.