Мансууруулах бодис, тамхи гэх мэт хориотой бүтээгдэхүүнүүдийг хил давуулахын тулд машин төдийгүй өөр олон зүйлсийг ашигладаг байна. 2012 оны 1 сард хилийн шалгагчид Украйны хоёр өсвөр насны хүүг саатуулжээ. Тэд аль хэдийн шалгах хэсгийг нэвтэрсэн байсан бөгөөд дугуй унаж АИ-92 бензин хийсэн 45 литрийн конистртай явж байсан байна. Өвлийнхөө амралтаар мөнгө олох гэсэн хөвгүүдийн боломж үгүй болсон билээ. Үүнээс хойш 2 долоо хоногийн дараа Беллорусын цагдаагийн байгууллагынхан мөн л морин тэрэгний тусламжтайгаар тамхи гаргахыг завдсан хоёр Украйн иргэнийг баривчилжээ. Тэд зугатахыг оролдож морио маш хүчтэй ташуурдаж байсан ч тун удалгүй баригдсан байна. Ингээд тэднээс 73 хайрцаг тамхийг олж илрүүлжээ.

8 сарын 2-ны шөнө Беллорусын хилийн шалгагчид Mercedes Sprinter микроавтобусыг илрүүлжээ. Шөнийн цагт хилийн ойролцоо энэхүү машин яах гэж ирснийг тухайн үед тогтоож чадаагүй юм. Харин микроны жолооч нь харуул харсныг мэдээд зугатахыг оролджээ. Ингэж зугатаж байх үедээ тэрээр мах гаргаж шидэж байсан юм. Энэ нь ачаагаа хөнгөлөх гэсэн нэг арга байсан бололтой. Ингээд тэрээр нийт 15 гулууз махыг шидэж гаргасан байна. Ер нь хууль бусаар ямарваа нэгэн юмыг хил давуулан нэвтрүүлэх гэдэг үнэхээр хэцүү. Өнгөрсөн оны 10 сард Ошмяны иргэн Nissan маркийн машинаар 40 хайрцаг тамхи хууль бусаар гаргахыг оролджээ. Машины жолооч маань зориг орохын тулд согтууруулах ундаа хэрэглэсэн байна. Үүнээс болоод тэрээр торгууль төлөхөөс гадна жолоочийн эрхээ хасуулжээ. Ингээд тэрээр хамгийн тооцоогүй, бүтэлгүй хууль бусаар хил давуулагчдын тоонд багтжээ.

Мөн өнгөрсөн оны 10 сард Вильнюсийн иргэний Lexus машиныг шалгаж үзэхэд запас дугуйных нь доороос 630 хайрцаг беллорус тамхийг олж илрүүлсэн бөгөөд нийт 111 сая рублийн үнэ бүхий тамхи байжээ. Мөн 11-р сарын 11-нд бас нэгэн бүтэлгүй тохиолдол болсон байна. BMW X6 –ын жолооч Беллорус болон Украйны хилийн дунд байрлах жалгыг харайх гэж байтал яг эгзэгтэй үед машин нь явахаа больчихжээ. Ингээд BMW X6 –ын урд тал нь Украйнд хойд тал нь Беллорусдаа үлдсэн аж.