Стефан Гесел болон түүний олон өнцөгт ертөнц

Стефан Гесел (Stefan Gesell) Германы гэрэл зурагчин бөгөөд гэрэл зургийн урлагт нэлээд алдартай нэгэн аж. Гэрэл зурагчин Стефан өөрийн гэрэл зургууддаа эмэгтэйчүүдийн хүчирхийллийн сэдвийг илүү хөндөхөөр шийджээ. Түүний гэрэл зургуудад ихэвчлэн эмэгтэй хүнийг өвтгөж, тамлаж буй үйлдлүүд байдаг. Шүтлэгтэй хүмүүс түүний зарим гэрэл зургуудыг хараад үзэн яддаг боловч энэ бол Стефанигийн гол зорилго байсан юм. Тэр эдгээр гэрэл зургуудаараа үзэгчдийн үзэн ядалтыг төрүүлэх зорилготой байжээ. Стефан гоо сайхны араас хөөцөлдөгч гэрэл зурагчин биш гэдгээрээ бусдаас илүү давуу талтай.

Ингээд Стефани мэргэжлийн түвшинд бодит баримт, бичлэгийг ашиглан гайхалтай хэрцгий гэрэл зургуудыг дарсан байна. Тэрээр юу ч нэмээгүй бүх зүйлийг бараг л байгаа чигээр нь дарсан бөгөөд харин ч урлаг гэдэг үүднээс нь илүү зөөлрүүлсэн аж. Эдгээр зургууд тэр дороо цацагдаж, Стефаныг “галзуу фотомастер”, “тэсэхийн аргагүй түрэмгийлэгч” -гэх мэт нэрлэх болжээ.

Стефан бол гоо сайхны араас хөөцөлдөгч гэрэл зурагчин биш. Тэрээр зургаараа олон нийтийг шоглож, сэтгэл санааны хувьд ч байнга сайхан мэдрэмж төрүүлдэггүй. Түүний гэрэл зургуудад бодит байдал болон төсөөлөл, бүдэг харанхуй үе болон гайхалтай сайхан гэрэлт үе холилдон орсон байдаг.

Гэсэн хэдий ч тэрээр сурталчилгааны болон нийгмийн бодит гэрэл зургуудыг ялган өөр өөрөөр дардаг байна. Жишээлбэл маш өнгөлөг, тод гэрэл зургууд нь сурталчилгааных байдаг бол гундуухан, хар бараан зургууд нь нийгмийн байдлыг илэрхийлсэн бодит гэрэл зургууд байдаг аж.