Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
Тэвэрснийхээ төлөө 60 доллар авдаг эмэгтэй
Тэврэлт гэдгийг ихэвчлэн найз нөхөд, хайртай, дотны хүндээ өөрийн талархал, хүндэтгэлийг илэрхийлж буй тэмдэг гэж ойлгодог. Тэгвэл 29 настай Жаклин Самюэль хэмээх америк эмэгтэй 2012 оны 6-р сард нэгэн хачирхалтай байгууллагыг нээсэн байна. Түүний энэ байгууллагад тэврэхийг, тэврүүлэхийг хүссэн хүмүүс ирдэг бөгөөд 60 доллар төлснөөр түүнийг хангалттай, тэвэрч, түүнээр тэврүүлж болох аж. Энэхүү үйлчилгээнд ямар ч эротик зүйл байхгүй гэнэ.
Үйлчилгээ 90 минут үргэлжилдэг бөгөөд 90 минутын турш Жаклины хажууд үйлчлүүлэгчийн гэр бүл, найз нөхөд байнга хамт байж гарч болох таагүй зүйлээс урьдчилан сэргийлдэг байна.
Алагдуулахын тулд туслахтай болжээ.
Манеш Сети хэмээх залуу бид бүхэнтэй адилаар заримдаа ажлынхаа үеэр өөр зүйлд анхаарал хандуулснаар ажлын чанар, орлого нь доогуур гардаг байна. Харин Манеш үүнийг шийдвэрлэх нэгэн гайхалтай арга олжээ. Тэрээр өөрийн хажууд нэгэн туслах авсан бөгөөд түүнийг ажлаасаа өөр зүйлд сатаарсан тохиолдолд туслах нь алгадах ёстой гэнэ.
Үүний үр дүнд түүний ажлын чанар 38% - 98% нэмэгдсэн байна.
Чих цэвэрлэх үйлчилгээ
Япончуудын хувьд бүр бага наснаасаа эхлэн чихээ маш их цэвэрлүүлдэг байсан учраас тэр мөчдөө эргээд очихын тулд их хэмжээний мөнгө төлөхөд ч бэлэн байдаг байна. Тиймээс чих цэвэрлэх үйлчилгээ явуулж буй салонууд нэлээд ашиг олдог аж.
Өмнө нь Японд чих цэвэрлэх үйлчилгээг эмнэлгийн байгууллагад хийдэг байсан боловч Японы удирдлагууд чих цэвэрлэх үйлчилгээг эмнэлгийн байгууллага хийх ёсгүй гэж үзжээ. Энэхүү шийдвэрийг тогтоосны дараа чих цэвэрлэгээний салонууд борооны дараах мөөг шиг гарах болсон байна. Үйлчлүүлэгчдийн хэлж байгаагаар чих цэвэрлэж байх үед сэтгэл санаа маш тайван болдог бөгөөд зарим нэг нь чихээ цэвэрлүүлэх хоорондоо дуг хийгээд амждаг гэнэ шүү.
Харин салоны ажилчид чих цэвэрлэхэд зориулагдсан уламжлалт “мимикаки” хэмээх багажийг маш сайн ашиглаж сурсан байх ёстойгоос гадна маш болгоомжтой байх хэрэгтэй аж. Учир нь хулхи хэнгэрэг цоорохоос хамгаалдаг бөгөөд бактерийн эсрэг үүрэгтэй байдаг гэнэ.
Цагийн 100 доллараар таны гэрийг цэвэрлэх бүсгүй
Энэхүү үйлчилгээг Техаст явуулдаг юм байна. Цагийн 100 доллараар Мелисса Боррет хэмээх бүсгүй таны гэрийг дан дотуур хувцастайгаа цэвэрлэж өгөх аж. Тэрээр 2-р сард “Lubbock Fantasy Maid Service” хэмээх компанийг байгуулсан юм байна. Хэрвээ та 50 доллар нэмж өгвөл хагас нүцгэн хоёр бүсгүй таны гэрийг цэвэрлэж өгөх боломжтой гэнэ.
Таны захиаг бичээд, шуудангаар явуулах байгууллага
Электрон шуудан хэдийгээр амар арга боловч зарим онцгой тохиолдолд нэлээд тохиромжгүй билээ. Жишээлбэл: Та хамгийн хайртай дотны хүндээ төрсөн өдрийн мэнд хүргэх хэрэг боллоо. Энэ үед та ямар нэг онцгой зүйл барихыг хүсэх бөгөөд өөрийн гараараа захиа бичиж болох юм. Электрон шуудан бий болсноор зарим хүмүүс захиаг хэрхэн яаж явуулахаа мартсан байж болно.
“Epistly” компани нь таны хүссэн хүнд гараар захидал бичиж өгөх юм байна. Та өөрийн бичих гэж буй захиагаа болон явуулах хүний хаягтай хамт электрон шуудангаар илгээх бөгөөд компанийн ажилчид маш нямбай хуулж бичээд тухайн хүн рүү илгээх аж.
Хөлсний эмээ
АНУ-ын Техас болон Виржини мужид “Rent-a-Grandma” хэмээх байгууллага ажилладаг юм байна. Байгууллагын үндсэн зорилго нь аль хэдийн үр хүүхэд, ач гучаа өсгөчихсөн эмээ нарыг бусад айлын хүүхэд асрагчаар санал болгодог аж. Эдгээр эмээ нар хүүхэд өсгөх хүмүүжүүлэх тал дээр нэлээд туршлагтай болсон байх нь мэдээж. Тиймээс энэхүү үйлчилгээг ихэвчлэн залуу гэр бүл сонгох болов уу.
Хамрыг тань хянах электрон үйлчилгээ
Хэрвээ таны найзын хамраас ямар нэг юм цухуйж байвал та шууд хэлж чадахгүй л болов уу. Уг нь найзыгаа эвгүй байдлаас авармаар байдаг. Тэгвэл таны өмнөөс энэхүү даалгаврыг “Chololi” фирм хийхэд бэлэн байгаа бөгөөд нэргүй хаягаас түүнд зургийг нь илгээх юм байна.
Шарталтаас гаргах автобус
"Hangover Heaven" компанийн автобус өглөө 8-15 цаг хүртэл өдөр бүр Лас-Вегас даяар явдаг байна. Автобусанд орсны дараа танд хоёр төрлийн үйлчилгээг санал болгох гэнэ. 1. “Архийг цуснаас гаргах”- судсаар дусал хийх 2. “Шарталтаас аврагдах”- судсаар дусал хийх, огиудасны эсрэг эм, үрэвслийн эсрэг эм болон амин дэмүүдийг санал болгох аж. Энэ зуур таныг хотоор унаатай авч явах бөгөөд бүх үйлчилгээ дуусахад та анх суусан газартаа л буух болно. Харин дээрх хоёрын алийг нь сонгох нь таны эрхийн асуудал юм байна.
