Элсэн чихэр – стаканы ¾ （+ ганц хоёр хоолны халбагыг дараа нь нэмнэ）
Цөцгийн тос （эсвэл маргарин）- 113 грамм. Туршлага дээрээс бол 150 грамм байхад яг болно.

Гурил - 1 стакан
Өндөг - 2 ширхэг
Нарийн боовны пудр – 1 цайны халбага
Давс - нэг чимх
Слив – 12 ширхэг
Шанцай – 1-2 цайны халбага



Слив маань жижиг хэмжээтэй, чанар амт сайтай 12 ширхэг байх хэрэгтэй. Бид 12 сливээ тус бүрд нь хоёр хэсэгт хуваагаад 24 хэрчим слив хэрэглэнэ.



Цөцгийн тосоо стаканы ¾- тэй тэнцэх элсэн чихэртэйгээ сайтар холино.



Өндөг, давсаа нэмээд, ахин хутгана.



Зуурмаг дээрээ нарийн боовны пудртэй хольсон гурилаа нэмж өгнө. Нэлээн өтгөн зуурмагаа хутгах хоорондоо духовкаа 175-180 градус хүртэл нь халаагаарай. Миний хувьд зуухаа 200 градус хүртэл халаахад болж байсан.



Пирогныхоо хэвээ цөцгийн тосоор тосолж, гурил түрхээд, зуурмагаа жигд гадаргуйгаар тарааж тавина. Миний хэв 24 см-ийн диаметртэй байсан. Дээрээс нь таллаж бэлдсэн сливүүдээ гурил дээрээ даралгүйгээр өрж тавиарай.



2 хоолны халбага элсэн чихэр 1 цайны халбага шанцайтайгаа хольж өгнө.



Ингээд хэвэнд хийсэн пирогны бэлдэц дээрээ элсэн чихэр, шанцай хоёрын холимогоо цацаад, халааж бэлдсэн духовкондоо хийж, 40-45 минут буюу гадаргуй нь хатуу болтол болгоно.





Пирогоо халуун дээр, ванильны зайрмагтай хольж идвэл үнэхээр салахын аргагүй амттай шүү.



Тавтай сайхан хооллоорой.