Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
Сүүлийн 10 жилийн туршид Роуз дэлхийн өнцөг булан бүрийн гүүрийг судлаж байсан бөгөөд судалгааны материалаараа хөгжим зохиодог болсон байна. Тиймээ ч Роуз гүүртэй маш халуун дотно харилцаатай болсон бололтой.
“Дуулдаг гүүр” хэмээх төслийнхөө хүрээнд тэрээр 600 жилийн түүхтэй Тамын гүүрээр зочилсон бөгөөд энэ гүүртэй гэрлэхийг хүсэж байгаагаа ойлгожээ.
Олон гүүрээр аялал хийсэн ч энэ гүүртэй л гэрлэхийг хүссэн хэмээн Роуз хэлсэн байна.
“Хэдийгээр миний сүйт залуу чулуун, амьд биш ч гүүрнийхээ ойролцоо ирэхээр би тайван, сэтгэл хангалуун байж чаддаг. Энэ гүүр нь намайг тойрон аялалаас ирэх бүрт угтан авч, буцах бүрт эелдгээр үдэж өгдөг. Тамын гүүр маань чимээгүй, дуугүй төгс нөхөр шүү дээ” -гэж Роуз хэлжээ.
Гэрлэлтээ батлуулахын өмнө тэрээр цагаан даашинз болон цэцэг худалдан авчээ.
Хуримын ёслолын үеэр хотын иргэд маш ихээр цугласан бөгөөд хотын захирагч нь хүртэл иржээ.
Ёслолын үеэр сүйт бүсгүй эртний чулуун барималд амлалтаа өгсөн байна.
“Бодит, амьд зүйлд дурлагсдыг би хүндэтгэдэг боловч би сэтгэлийн мэдрэмжийг ямар ч зүйлээс олж авдаг. Миний нөхөр 600 жилийн турш оршин тогтносон бөгөөд цаашдаа ч олон зуун жил байна гэдэгт би итгэлтэй байна” -хэмээн Роуз гэрлэлтийнхээ талаар бичжээ.
